Uuzi kalenduaru on piäzemäs ilmah

Kalendari 2018 kansiVuvven 2018 Karjalaine kalenduaru piäzöy ilmah 6.päivy kylmykuudu. Kalenduaran tiemannu on E.V.Ahtian 150-pruazniekkuvuozi.
Edvard Vilhelm Ahtia, vuodeh 1892 suate Starck, roih ruočinkielizeh pereheh 12.11.1867 Dragsvikas. Häi rodih innokas karjalan kielen tutkii, kehittäi da eziboruiččii, kudaman piämiäry oli kehittiä karjalale oma, anukselazih murdehih perustui kirjukieli. Hänen omassah ezitysty kirjukielekse yhtelläh ei hyväksytty 1930-luvun ennakkomielizis ololois, vaiku kirjukielidiolo tuli suomenkarjalazile ilmi uvvessah vaste 1980-luvun lopul ven’ankarjalazien ezimerkin täh. Ahtia oli omassah aijannu läs ainavo karjalan kielen tutkii da aktivistu, kudai ellendi karjalankielizen suullizen kirjallizuon tovellizen arvon. Se ei olluh vaiku ruohkuainehtu suomenkielizele ”rahvahanrunohuole” da eriluaduzile keräilemile, vaiku ihan moizennu oli muailman rikkahimih kuulujua suullistu perindehty. Sendäh häi redaktiiruičči kaksigi kirjua, kudamien jyttyzii ei puaksuh jullata nygyaijannugi libo tovellistu karjalankielisty rahvahanrunohuttu: Rahvahan kandeleh da Midä lauletah da sanellah rahvas. Jälgimästy nikonzu ei jullattu, ga Rahvahan Kandeleh piäzi ilmah vuvvennu 1922 da uvvessah vuvvennu 2015. Keräilemäs on kerdojua da liiriellisty runohuttu, itkuvirzilöi, pajoloi, suarnoi,loihtieloi da sananpolvii, arbaituksii i muudu perindehty.
Pruazniekkuvuvven kunnivokse Karjalan Kielen Seuru julguau nygöi vuvven 2018 kalenduaras näyttehii Rahvahan Kandelehes. Joga kuun kohtal on runo-ozuteh alguperäzes karjalankielizes muvvos. Kalenduaran kaunehen kuvituksen da verstaičendan on luadinuh jovensuulaine Armi Jaloniemi. Häi on sežo vallinnuh suuriman ozan runonäyttehis. Kalenduaran hindu on 15€ da sidä voibi tilata jo edukädeh.
Tiluamizet: seuran Jovensuun da Helsingin toimistolois. Tel +358–44 500 2215, kirsti.karhinen@karjal.fi da tel 0400 246 266, pertti.lampi@gmail.com Kirsti Karhinen on lomal 8.-23.11.2017. Luajikkua tiluamizet aijoin aigah kuni ei loma ala! Loman aigua Helsingin toimisto pidäy huoldu työndölöis – ei yhtelläh verkolaukan ozal. Tilannetto silloi verkolaukas, teil pidäy varustuakseh työndölöin myöhästymizih.
Lähte da fotokuva: KKS:n tiijoitus

Vastaa

Sähköpostiosoitettasi ei julkaista. Pakolliset kentät on merkitty *