Suojärvelästy elostu kirjan täydehyöl

424px-Suojarvelaisten_juhlaa_ja_arkea_kansiKevätkezäl 2017 jullattu Suojärveläisten juhlaa ja arkea – Elämää Raja-Karjalassa 1800-luvulta talvisotaan kerävyy suojärveläzen rahvahanškolanopastajan Lyyli Homehen (1901 – 1982) vuozinnu 1967 – 1981 kerätys mustotiijos. Homeh rubei keriämäh suojärvelästy mustotieduo eläkkehele piästyy da kirjutti niilöis viizitostu tutkimustu.
Homeh sanelou omissah tutkimuksis rajakarjalazis parandamiskeinolois da kuolemah liittyjis dielolois. Häi kuvuau sežo suojärveläzien pruazniekkua da argipäiviä, pienien lapsien hoidamistu, lapsien da nuorien kižoi, svuad’bua, himoruadoloi, herrazväin taboi pidiä vesseliä dai naizien selgiendiä. Nämmien ližäkse Lyyli Homehen kirjas on kerdomuksih perustui kuva suojärveläzien tsivil’noloin tyrmäs olos voinan aigua vuozinnu 1939 ‒ 1940. Kirjuttai on sežo luadinuh tarkat kuvat Homehen suvun vahnas karjalazes talois da omassah perehen i oman muaman koditalois.
Kirjutukset ollah oldu aijembah vaiku Homehen suvul dai tutkijoin käytös Suomelazen Kirjallizuon Seuran rahvahanrunohusarhiivas, ga nygöi niilöih voijah tunnustuo sežo muut rajakarjalazeh eloksenmuodoh da kul’tuuruhistourieh mieldy kiinnitännyöt.

Kirjua voibi tilata Marko Homehel: marko.home@maimalampi.fi libo tel.040-5560546  Hindu on 40€
Lähte da fotokuva: ortodoksi.net

Vastaa

Sähköpostiosoitettasi ei julkaista. Pakolliset kentät on merkitty *