ELEN:an ylehizen kerähmön tuloksii

Digital CameraELEN (European Language Eqaulity Network) on pidänyh Valencies ylehizen kerähmön, kudamas käziteltih Katalonien tilandehtu. ELEN:ah kuuluu äijy vähembistökielizien järjestyö da Karjalan Kielen Seuragi on olluh ELEN.n jäzen vuvves 2016.
Acció Cultural del Pais Valenciàn (Valencien kul’tuuru järjestö) (ACPV) jäzenien kerähmöh jätetys mieles saneltih, ku Katalonien halličuksen da rahvahallizen kollektiivan johtajien vangiččemine ei vie nimittumah piätökseh vaiku jatkau konfliktua. Avtonoumien peruuttamine da johtajien vangiččemine ei sendäh olla pättävät keinot sellittiä ongelmutilandeh. ACPV sanou julgi huolen sit, ku kriitiekku pygälän 155 todevuttamizes da sotsializien johtajien i vallittuloin poliitikkoin estäi vangiččemine opitah samastua poziitsieloih iččenäzyönke. Hos ACPV ei ole oza Katalonien rippumattomusliikehty, se yhtelläh kannattau demokruatiedu da on sidä mieldy, ku vuoropagin on ainavo keino ohjata poliitiekkua. ACPV: jäzenet sanotah, ku hyö ei voija andua piätösty dielos, ga heil pidäy sanuo, ku tilandehtu ei voi sellittiä peruuttamal ičehallindo, panemal tyrmäh johtajat tyrmäh libo hylgiämäl sistemuatillizeh demokruattine kriitiekku. Ku Katalonien tilandeh pahennou, vaikutukset tunnutah kogo Ispaanies, ei vaiku Katalonies. Ispaanien da Katalonien halličuksil pidäs sendäh algua vuoropagin, da vangitut johtajat pidäs piästiä välläle.
ELEN:an mieli on, ku Ispaanien halličuksel pidäy loppie viärän kuvan andamine kataluanan stuatusas. Ispanien ulgoministru on sanonuh varmah rahvahienvälizes meedies, ku kataluanua ei opasteta kataluanalazis školis da vihjai vie, ku kataluanan käyttämine ruadopaikoil da opastukses oli keino avvuttua Ispaaniedu vastustajii duumii. Tämän ližäkse Katalonies on obiidittu ristikanzoinoigevuksii, da sendäh ELEN pakiččou Ispaanien halličustu piästämäh välläle kai vangitut johtajat i sežo loppimah viärät paginat, kudamat kosketahes kataluanua. Europan Liitol pidäy tutkie policien ruadoloi rahvahaniänenandamizen aigah 1.ligakuudu, ruveta toimenpidoloih Ispaaniedu vastah, konzu se ei ole suostunuh EL:n miäriteltylöih velallizuksih da samas syys huomavoija erähät peruutetu oigevukset, mugah lugijen oigevus andua iäni Europan Liitos.
Lähte da fotokuva: ELEN, kerähmöläzet yhtehizes fotokuvas
Nämmien kauti voibi lugie ližiä tieduo:
https://elen.ngo/2017/11/15/the-european-language-equality-network-calls-for-the-immediate-release-of-catalan-civil-society-and-political-leaders/
https://elen.ngo/2017/11/14/the-university-of-valencia-joins-elen/

Vastaa

Sähköpostiosoitettasi ei julkaista. Pakolliset kentät on merkitty *