Elävy suulline perindö ‒ sananpolvis slengupajoloih

3-tango

Suomelazen Kirjallizuon Seuran pruazniekkuzualas (Hallituskatu 1, Helsingi) pietäh eläviä suullistu perindyö käzittelii seminuaru kolmaspäivänny 15.11.2017 aigua 10.00 ‒ 16.00
Seminuaran aigua duumaijah midä on tämän päivän suullinen perindö da voibigo sidä hoidua. Paginua on sežo sit, kuibo arhiivat tallendetah suullistu perindyö kollektiivoin ker i mittumii objektoi Suomen libo Unescon ainehettoman kul’tuuruperindön luvetteluh vois eččie. Ližäkse sellitetäh midäbo Ruočin Suarnumuzies ruatah.
Suomi allekirjutti vuvvennu 2013 ylehizen sobimuksen, kudai koskehes Unescon ainehettoman perindön suojelendua. Ainehetoi kul’tuuruperindö on eläviä perindyö, kudai on täs ristikanzoin arres. Se voibi ezimerkikse olla suullistu perindehty, ozuttajua taiduo, ritualoi da pruazniekkutseremounieloi, tiedoloi kudamat kosketahes luonduo da taidoloi libo käziruadotaidoloi.
Elävy suulline kul’tuuruperindö -seminuaru keriäy levieh yhteh alan ruadajii da aktivistoi ajattelemah midä suulline perindeh tämän päivän Suomes on. Seminuaras kerrotah tarkembah Unescon sobimukses dai Elävän peridön wikiluvettelus. Päivän aigua suajah värikäs taričus tämän päivän suullizis perindehis da niilöinke ruadajis puolis.
Seminuaru on ilmaine da välly kaikile, da toivotah, ku se löydäy levieh kul’tuurualan ruadajii, organizatsieloi, tutkijoi arhiivualua da opastujii. Seminuaras paistah suomekse da ruočikse.
Seminuaran järjestetäh yhteisruavos Muzeivirrasto, Suomelazen Kirjallizuon Seuru, Svenska Litteratursällskapet i Finland dai Kodimualazien kielien keskus.
OHJELMU
9.30 Huondeskoufii
10.00 Seminuaran avuamine, Tuomas M.S.Lehtonen, Suomelazen Kirjallizuon Seuru
10.10 Unescon sobimus da elävy kul’tuuruperindö, Leena Marsio, Muzeivirrasto
10.30 Midäbo on suulline perindeh? Anne Heimo, Turun yliopisto
10.50 Paikannimet ozannu meijän kul’tuuruperindyö. Keräilemät terväh verkos kaikkien käytös, Toni Suutari, Kodimualazien kielien keskus
11.05 Mustokos ollah školalazet kul’tuuruperindön luadijat da hyövyndäjät, Kati Mikkola, Suomelazen Kirjallizuon Seuru
11.20 Ljungbyn Suarnumuzie, Meg Nömgård
11.40 Kyzymyksii da paginua
12.00 Murgin (omah dengah)
13.00 Čukeldamizii suullizeh perindeheh (5 x 10 min)
* Helsingiläzii rahvahanpajoloi slengakse, Anna.E.Karvonen, muzikantu
* Rep-liiriekkua da lugukižoi ‒ Tämän päivän nuorien da lapsien suulline perindeh, Karoliina Suoniemi, Taijon kannatandankeskus
* Kävelyl Kallios. J.K.Harju da laidupuolen Helsingi, Heli Paakkonen, tutkii FM
* Ordspråken – urgamla, utslitna, men toppaktuella,  Carola Ekrem, Suomen ruočinkielizen kirjallizuon seuru
* Ho segär to tå ‒ dokumentu ruoččilazes paginkieles Suomes, Sara Rönnqvist, Suomen ruočinkielizen kirjallizuon seuru
14.00 Koufiipauzu
14.30 Seminuaran ruadopajat
1. Midäbo on elävy suulline perindeh? (Lauri Harvilahti da Risto Blomster)
2. Kieli eläy käytös. Suullizen perindehen hoidamizen monet muvvot. (Pirkko Nuolijärvi da Elisa Stenvall)
3. Nägyvytty da jagamizen iluo. Mittumii suullizii perindehii wikiluvetteluh libo Unescon luvetteluloih? (Leena Marsio da Karoliina Suoniemi)
15.30 Ruadopajoin purgamine da loppusanat, Sirkka-Liisa Mettomäki, Suomelazen Kirjallizuon Seuru
16.00 Seminuaru piättyy
Seminuaran paginanvedäjänny ruadau Sirkka-Liisa Mettomäki
Ližätiedoloi:
Leena Marisio, ainehettoman kul’tuurupedindön kordinuator, Muzeivirrasto, leena.marsio@museovirasto.fi tel. 0295 33 6017
Sirkka-Liisa Mettomäki, viestindyjohtai, sirkka-liisa.mettomaki@finlit.fi tel. 040 580 http://www.aineetonkulttuuriperinto.fi/fi/ajankohtaista/elava-suullinen-perinto
Lähte da fotokuva: M.A.Castrénan seuran tiijoitus

Vastaa

Sähköpostiosoitettasi ei julkaista. Pakolliset kentät on merkitty *