Karjalan Kielen Seuran uuzii julgavoloi

KKSlogoTänä sygyzyn piäzöy ilmah monii uuzii karjalankielizii kirjoi da tetrattiloi. Ligakuul piäzöy ilmah ven’an- da suomenkarjalazien yhteisruavonnu L’udmila Mehedin kirjutettu da Kira Kareninan kuvitettu suarnukirju Suarnastu lapsih näh. Tevoksen on karjalakse kiändänyh Natalia Giloeva da verstaičuksen on luadinuh Armi Jaloniemi. Terväh sen jälgeh piästäh ilmah Natalia Giloevan kiännetyt sanastotetratit Hoidosanasto da Einehsanasto kui ihan tavallizien karjalankielizien käyttöh muga i kielen elvyttäjien, kiändäjien, opastujien dai enne kaikkie hoido- da gastronoumiialoin ammattilazien avukse. Samoih aigoih jullatah keräilemy Zinaida Dubininan kiännettylöi pajoloi. Tetratis on perindehellizien pajoloin ližäkse sežo maltajen kiännettyloi ven’alazii da suomelazii šl’ageruloi. Vähäzel myöhembä jullatah vie keräilemy Dubininan enne julguamattomii runoloi. Liga-kylmykuun vaihtos piäzöygi sit ilmah vuvven 2018 Karjalaine kalenduaru. Armi Jaloniemi planiiruinnuh da luadinuh verstaičuksen kalenduaran, da sen tiemannu on karjalaine rahvahanrunohus E.V.Ahtian 150-vuozipruazniekan kunnivokse. Kylmykuus piäzöy ilmah sežo Aleksandr Kräkkijevan mustelma- da runokirju Ogahakas taival. Anuksespäi Helsingih erähii vuozii tagaperin omassah eloipaikan vaihtanuh Kräkkijev tiijusti nevvostovallan ahtisteluvuvvet da 1930 – 1980-luguloil da sanelou mieleh painujah kuibo karjalazii alendettih vuozikymmenien aijan ainos 2000-luvule suate. Kylmykuus jullatah sežo jo hätken vuotettu Arhijepiskoppu Leon Mustelmat II.
Tiluamizet da tiijustelut:
Seuran Jovensuun toimistos tel. 044 500 2215, kirsti.karhinen@karjal.fi libo Helsingin toimistos tel. 0400 246 266, pertti.lampi@gmail.com
Ližätiedoloi andau Pertti Lampi

Vastaa

Sähköpostiosoitettasi ei julkaista. Pakolliset kentät on merkitty *