Virallizet tulokset tuldih: Kurdit annettih da-iäni iččenäzyöle

Itsenäisyysäänestys Kurdit 2017

Irakan kurdit ollah sanottu, ku hyö kannatetah iččenäzen valdivon luadimistu, kerdoi autonoumizen kurdialovehen valličuskomissii. Iänenandamizen tulos oli vuotettu. Valličusuurnile tuli 72 protsentua niilöis, kudamil on iänioigevus.
Iänenandamine koskihes kolmen autonoumizen kurdialovehen dai kurdijoukkoloin haltuspiettylöin alovehien iččenästymisty.
Bagdadan hallindo da susieduvaldivot ollah vastustettu kiistanalastu iänenanduo. Iran, Turtsii da Siirii ei kannateta Pohjas-Irakas olijan kurdialovehen iččenästymisty. Susiedumualois varatah, ku separatistizet duumat voijah suaha kannatustu sežo omien kurdivähembistölöin keskes.
Yhtysvallat sežo on vuadinuh iänenandamizen lykkävysty. Vašingtonas varatah, ku iččenäine kurdivaldivo luadiu alovehile ebästabil’noin tilandehen da vahingoittau terrorisman vastastu bojuu.
Kurdialovehen piäministru Nechirvan Barzani on aksentiiruinnuh, ku Kurdistan tahtou sellittiä erimielizyöt iččenäzytty vastustajan Bagdadan hallindonke rauhasti.
Kurdiloi on nenga 25–30 miljonua. Suurin oza heis eläy Irakas, Siiries, Turtsies da Iranas.
Lähtehet: Jani Parkkari yle/ Reuters
Fotokuva: yle/ EPA Kurdiloi pruaznuimas rahvahaniänenanduo Kirkukas.

Vastaa

Sähköpostiosoitettasi ei julkaista. Pakolliset kentät on merkitty *