Kielii pruaznuijah huomei

ID-81988-GUID-1A02C14D-F49A-4F6C-A869-7D3577510F5D

26.syvyskuudu vietetäh Europan kielien päiviä. Päivän tarkoitus on kiinnittiä huomivo Europan da EL:n kielellizeh monimuodozuoh, kudai toven on äijälline. Europas paistah yli 200:kse kielekse, EL:s käytetäh 24:iä virallistu kieldy da EL:s on nenga 60 alovehellistu libo vähembistökieldy. Kielien miäriä ližätäh vie net, kudamat ollah muutettu omassah eloipaikku EL:h muijalpäi.
Kielien päivän avul tahtotah sežo kannattua kul’tuuran da kielien monimuodozuttu da stimuliiruija kaikenigäzii ristikanzoi opastumah kielii.

EL-mualois järjestetähgi 26.9. eriluaduzii kielitapahtumii: kielikursiloi, kižoi, konferensiloi, radivo-ohjelmii i m.i. Suomes kielien päivän piätapahtumu on Oulus, ga kielitapahtumii on sežo Turun da Jyväskylän yliopistolois i Helsingis, Pasilan piäkirjastos. Sie on Suomen kielenopastajien liiton järjestetty tapahtumu. Muijal muailmas, ezimerkikse Irlandies, Galwayn linnan kirjastos voibi tunnustuo kiändäjän ruadoh, Slovakies järjestetäh školalazih näh eriluadustu kielien opastumistu kannattajua toimindua da Belgies Gravenvoerenan kylän školas suau tunnustuo Ispanien kieleh, kul’tuurah da gastronoumah.
Lähtehet: Suomen kielienopastajien liitto ry:n verkosivut, Europan komissien verkosivut, Jyväskylän yliopiston verkosivut, Turun yliopiston verkosivut
Fotokuva: eurooppatiedotus.fi

 

Vastaa

Sähköpostiosoitettasi ei julkaista. Pakolliset kentät on merkitty *