Hukkurajan pajo

countryside-752678_960_720

 

 

 

 

 

Hukkurajan pajo

Heikki Turuzele
pitkän levien järven kareilii pindu
vilattavu tuuli mändymečän ladvois
kagru da ozru kypsetäh
lagien lagieloil sego pienil peldoloil
heinykuun lopuškan hellehel
kui lämmäs ilmuvirras roinnuon
gigantunaizen yskäs

taloloin ruskiet seinät
pihas poikki kulgijan emändän pilves
da izändän poudutaivahale nostettu kače
ildupäivykoufien piduine sanatoi huaveilu

päivänlaskun pienet
da päivännouzun suuret periferiet
da pohjaine loitton
kustahto boikoin rahvahaliston čotaičendan
tuol puolen

da suat tuhandet linnois
da piälinnas eläjät rodn’at
hierun ristikanzoin paginois
staruuhoin da starikoin käzin kirjutetuis kirjazis
pokoiniekoin nimilöis
kamodan piäle nostettulois fotokuvis

no tiä ollah pellot
jovet, järvet, mečät, vuarat
(toinah kai vahnu kondiiherru
suon tagan peittozil?)

tiä on laho omassah mujun kaimannuh
maidopristani asfal’tudorogan vieres

univermuagu läs tirpandahizen ajomatkan piäs

da lehmät niitul
viizahat silmät ruohonjuuritazol

kezäillan val’si soittau
elämättömän tansilavan luo
da briha pläššiy ičenke
sikse gu tyttö on lähtenyh iäre
jo mulloi sygyzyl

tuasen tulou yö
da laihtunuot hukat pajatetah
kuudaman puoliskole
heijän tuattoloin starinoi

Lauri Luukkonen

Vastaa

Sähköpostiosoitettasi ei julkaista. Pakolliset kentät on merkitty *