Periodikal on uuzi johtai

N.SinitskajaKarjalan Periodika -ilmahpiäständylaitoksen uvvekse johtajakse on vallittu Natalja Sinitskaja, kudai on vedänyh Oma Mua -lehtie vuvves 2006 suate. Uuzi johtai kerdou pagizutandas omissah pluanois Periodikan toimindah näh.

-Bumuagulehti enämbi ei tävvy, konzu on tiedokonehaigu. Meijän tiähtäimes on multimeediiportualu. Verkos julguammo uudizii nelläkse kielekse – karjalakse, suomekse, vepsäkse da ven’akse. Houkuttelemmo nenga ven’ankieliziigi lugijoi, kudamil on vaiku vähäzel tieduo meijän toimindas. Tämä hankeh kestäy hätken da vuadiu äijy dengua, Sinitskaja sanelou da jatkau, ku tavoittehennu on perustua rakendukseh modernu meediikeskus lehteh i rahvahallizih järjestölöihgi näh. Bumuagulehtien  da kirjoin julguamine  yhtelläh ei lopu, vaiku on enzisijal Periodikan ruavos.
Natalja Sinitskaja kuuluu ližäkse Karjalan karjalazien, vepsäläzien da suomelazien edustajien nevvostoh, kielikomissieh da opastusministerstvan tutkindukomissieh. Häi on ičegi kirjutannuh lapsienkirjoi da sežo kiändänyh tevoksii karjalakse.
Lähte: Anna Umberg, Karjalan Sanomat
Fotokuva: Margarita Pehkonen, Karjalan Sanomat.

Hyvittelemmö Natalja Sinitskajua da toivotammo hänele lykystysty!

Vastaa

Sähköpostiosoitettasi ei julkaista. Pakolliset kentät on merkitty *