Šotlandien piäministru ajau uuttu rahvahaniänenanduo iččenäzyös

eu englanti liput yle uutiset

Šotlandien piäministru Nicola Sturgeon aijoitteleh ezittiä parluamentale uuttu rahvahaniänenanduo iččenäzyös. Sturgeonan mugah ezitys viijäh Šotlandien parluamentan kačottavakse tuliel nedälil.
Iänenandamine voizi tapahtuo ei aijembi tuliedu vuottu libo vuottu 2019. Ehtotus menöy helpoh läbi parluamentas, ku Šotlandien rahvahanpuolovehel da iččenäzytty kannattajal vihandal puolovehel on sie enimistö.
Uuzi rahvahaniänenando rodih aijankohtaine Brituanien EL-eron eistyjes. Sturgeonan mugah Šotlandien mielii ei ni yhty ole kuultu eroprotsesan aigua.
-Ku jättänen rahvahaniänenannon ulgopuolele, piätän iče, ku myö eruommo El:s yhtes Brituanienke. Kogo Šotlandiel pidäy piättiä täs dielos, ei vaiku yhtel ristikanzal.
Theresa Mayn halličus ajau kovua eruo, kudamas Brituanii jättäs EL:n syväinmarkinat kogonah. Sturgeonan mugah moine on Šotlandien eduloin vastastu.
Sturgeon kerdoi pluanas enne Brituanien parluamentan istunduo, kudamas käzitelläh zakonehtotustu Brituanien EL-erosoviettoin alguh panemizekse. Ku parluamentan alaperti hyväksynnöy ehtotuksen, piäministru May voibi andua virallizen ilmoituksen eroprotsesan algamizes jo huomei, saneltih MTV 3:n uudizis 13.3.
Yle uudizet sanelou tänäpäi, ku parluamentu on andanuh Theresa Mayle oigevuot algua eroprotsessu EL:s. Brituanien parluamentan yläperti pečatoi alapertin enzimäsarren luajitun piätöksen muutoksittah.
Ero-ministru David Davis ilmoitti, ku mua tahtou andua Lissabonan sobimuksen 50. artiklas miäritellyn oman eroilmoituksen ei myöhembi kuun loppuu.Ilmoitus panou alguh kaksi vuottu kestäjät erosovietat.
Lähte: MTV 3 uudizet da Yle uudizien verkosivut Juho Tuomisto / Reuters
Fotokuva: Yle uudizien verkosivut

Vastaa

Sähköpostiosoitettasi ei julkaista. Pakolliset kentät on merkitty *