Kui suaha kirjaimet č, š da ž Windows 10:s

csz1Äijät duumaijah kuibo suaha karjalankielisty tekstua tiedokonehel kirjuttajes kirjutettuu kirjaimet č, š da ž. Ollou azetuksispäi otettu käyttöh saamenkieline näppäimistö, Windows-operuattorusistiemas suau kirjuttua nämmä kirjaimet, ku painaldau näppäimistön AltGr-knopkua da c-, s- libo z-kirjaindu. Yksikai toizet kirjaimet roitah muga kui ennegi. Sit voibi hyvin kaikelaigua, suomenkielistygi tekstua kirjuttajes, pidiä piäl saamenkielisty näppäimistyö.’

Eri operuattorusistieman versielöis nämmä azetukset lövvytäh vähä eri kohtis, no täs kuvien kel ohjavo, kui suaha vaihtettuu kieliazetus Windows 10:s.

  1. Painalda näytön alaoigiel olijua kuvua.
  2. Mene ”Azetukset”-kohtah. (Ku ei löydyne täs ”Azetukset”-kohtua, sit mene ”Kai programmat” -kohtah, kudamas on kai programmat kirjaimikon vuoh jälletykses, da valliče sie ”Azetukset”.)
  3. Mene kohtah ”Aigu da kieli”.
  4. Mene ielleh kohtah ”Aloveh da kieli”.
  5. Valliče ”Ližiä kieli”.
  6. Eči listaspäi mitah saamen kielis.
  7. Sinun vallittu kieli nygöi puutui kieliluvetteloh. Voit salvata Azetukset-ikkunan sen yläoigiel olijas x-knopkazes.
  8. Nygöi näytön alahurual voibi vallita midä kieliazetustu käyttiä. Kai toizet kirjaimet, ä, ö, i m.i. ruatah kui ennegi, no ližäkse suau č-, š- da ž-kirjaimen.

csz2csz3csz5csz5_2csz6_2csz8

Vastaa

Sähköpostiosoitettasi ei julkaista. Pakolliset kentät on merkitty *