Solomonan opastukset

solomonanZinaida Dubininan kiännetty Solomonan sananpolvien kniigu on piässyh ilmah. Tämä kirju kuuluu Vahnas Sanas olijoin kirjoin joukkoh, da sen sivuloil on kui Izrail’an tsuari Solomonan muga i muuloingi viizahien ristikanzoin sanondoi. Kai sananpolvet ei sit olla vai tsuarin luajitut, hos kirjan nimi on Solomonan sananpolvien kniigu.

Runollizet, polves polveh siirdynyöt sananpolvet ollah eloksen eriluaduzih tapahtumih niškoi. Net nevvotah kui ristikanzal pidäy toimie ezimerkikse lapsien kazvatukses, akan ottamizes, uskondollizis tapahtumis, argipäivyhommis da muan haldivoičennas. Opastustu on naizile, miehile i lapsile.

Hos sananpolvien viizahuot koskietakseh monii eri tapahtumii ristikanzoin elokses, on niilöil yksi yhtehine mieli: nenne on luajittu Jumalan kunnivoičukses da Hänen Zakonan täytändäs.

Solomonan sananpolvien kniigu on kiännetty jevrein kieles toven monile kielile i nygöi sidä voi lugie sežo livvikse. Kiännöksen ruavonnu oli, ku nygylugijat tundiettas samat tunnot da mielet kui ennevahnallizet ristikanzat sananpolvii kuunnelles libo lugijes.

Lähte: Oma Mua
Kuva on rperiodikan www-sivuloilpäi

Yksi kommentu “Solomonan opastukset

Vastaa

Sähköpostiosoitettasi ei julkaista. Pakolliset kentät on merkitty *