Taidoilijoin Kalevala -verkosivut ezitelläh uuttu Kalevala-taiduo

Kalevala-ianikirjuKalevalaseura on jullannuh Kalevalan pruazniekkuvuvven kunnivokse verkosivut, kudamil ezitelläh ulgomualazien taidoilijoin sellityksii Kalevalas. Sivuloile on tallendettu kai taidoilijoin Kalevala -hankehet, kudamii Kalevalaseura on yksin libo yhteisruavos muuloin toimijoinke todevutannuh vuvves 2008 suate. Sivuloil voi tuttavuo hankehih, taidoilijoih da heijän tevoksih dai video- i raadivotuottehih. Taidoilijoin Kalevala -säveldyksii voi ezikunnella sivustol da ostua iTunes-laukas.

Taidoilijoin Kalevala algoi vuvvennu 2008, ku Kalevalaseura pakičči suomelazii kuvataidoilijoil da säveldäjil sellityksii eeposas. Sen jälgeh havačui kyzymys sit, kui ulgomualoin taidoilijat nähtäh Kalevalan mifat, kudamat tunnetah muijalgi muailmas.

-Tahtommo, ku Kalevalua sellitetäh rohkieh da ku taijollizis sellityksis rohkietah kaččuo uuzis nägökulmis, Kalevalaseuran toiminnanjohtai Ulla Piela sanelou.

Suomelazet, afrikkalazet, ispaanielazet, vjetnamalazet i ven’alazet kuvataidoilijat dai suomelazet da itaalielazet säveldäjät ollah Kalevalaseuran pakičukses sellitännyöt Kalevalan runoloi omis tevoksissah. Taidoilijoin Kalevala -sivut sit tävvendytähgi ainos, ku uuzii hankehii rodieu da jo valmistunnuois hankehis kerävyy uudizekse luajittavua.

-Meijän hankehis roinnuot taidotevokset jatketah Kalevala-taijon pitkiä histouriedu da sendäh on hyvä, ku nämät uvvet tevokset ollah nägyvil samoil verkosivuloil, Piela sanou.

Taidolijoin Kalevala -verkkosivut  http://taika.kalevalaseura.fi/

http://kalevalaseura.fi/blog/2015/01/26/taiteilijoiden-kalevala-verkkosivut-esittelevät-uutta-kalevala-taidetta/

 

Vastaa

Sähköpostiosoitettasi ei julkaista. Pakolliset kentät on merkitty *