Karjalan kieldy da kul’tuurua ruoččilazile

UUDIZII TUKHOLMASPÄI

Tulien suovattan 12.11. Tukholmas on karjalazen muziikan illačču ruoččilazii näh. Illacus kuultah ruočinkarjalastu da suomenkarjalastu muuzikkua. Tukholmalaine, suomelazilegi tunnettu EILA PÖLLÄNEN pajattau karjalakse da soittau gituarua – suomelazet gost’at, pajattai da mandoliinan soittai HANNU BRELO dai harmoškan soittai MIKA TARKKONEN muzitsiiruijah Skeppar karls Salongis 15 da 19.30 čuassun aigah. Dai hyö ollah Suomes hyvin tunnetut karjalankielizen muuzikan ezittäjinny.

Pyhänpiän 13.11. HANNU BRELO (pajo & mandoliinu) dai MIKA TARKKONEN (harmošku/soitto) ozutetah karjalastu muuzikkua Sygyzyn kielikafeteeriis Åvastan školas 14 aigah. Emändänny on EILA PÖLLÄNEN. Kielikafeteeriis sanelou i PIRJO TIILIKKA omassah kirjas ” Kärnvirke från Karelen”.

Ruočis eläy 40000 karjalastu, heis nenga 1000 maltetah karjalua, erähät enämbi – toizet vähembi. Mielenkiindo karjalan kieleh on noussuh jälgivuozinnu nuorembasgi sugupolves. Karjalan kielen kursiloi on järjestetty Ruočis. Kezäkuun KŽ:n noumeros Ivan Savin kirjutti oraskuus Tukholmas pietys kielikursas. Tukholmas karjalan kielen kerho kerävyy yhteh kerran kahtes nedälis tossargen. Malmösgi eläy karjalazii, da siegi on mielenkiinduo kielen opastundah näh.

Painalda kuvua suurembakse
Karjalaineildu

Vastaa

Sähköpostiosoitettasi ei julkaista. Pakolliset kentät on merkitty *