Lapsien pajoloi livvinkarjalakse

Algupajo

(karj. sanat: Ritva Lampivuo)

Kembo suau, kembo suau
pajopussih kurkistua
tillin tallin tömsis.

Diivua kummua

(sanat: Marjatta Pokela, karj. sanat: Maria Kähäri)

1. Päivypastos pilves kulgou kunne minägi,
no pilvestyttyy ei jo nävy sidägi.
Dieluo ylen äijy diivua kummua meil on tiä,
ei pieni kulgii kaikkie sidä sua ni ellendiä.

2. Höyhenet on linnul, nieglu pystäy nieglikon,
ga lämmät pehmiet turkit reboil, jänöil on.
Dieluo ylen äijy…

3. Kudžoit heittämättäh mättähästy nostetah,
ei loppietahes ruavot, ainos hušketah.
Dieluo ylen äijy…

4. Kykistynnöy lammel, kohti vetty vilčistäh
ku rouno iče kaččos viespäi iččiedäh.
Dieluo ylen äijy…

5. Kuibo järves suannou vezikukku kublella
da korendoizet vien piäl kiistah kižata.
Dieluo ylen äijy…

6. Kala eläy vien al, piän piäl kuudam, tiähtöizet,
vai unimuas voit olla midä tahtonet.
Dieluo ylen äijy…

Hämä-hämähäkki

(karj. sanat: Ritva Lampivuo)

Hämä-hämähäkki nouzi langale
Tuli vihmupuadar’, hämähäkin vei.
Päiväine armas kuivai vihman sen,
Hämä-hämähäkki nouzi uvvelleh.

Kudžoi-kudžiaine kortu kullettau,
Ahkerasti ruavos ainos ahkerdau.
Valmis on terväh kego komei kai,
Kudžoi-kudžiaine kortu kullettau.

Heiny-heinyčirku soittau viuluudah,
Heinikös häi hyppii sinne-tänne vai.
Pieni sinikelloine menöy maguamah,
Heiny-heinyčirku soittau viuluudah.

Čakku-čakku pieni parves pörizöy,
Kezäpäivy kuluu ainos touhussah.
Illanpilves tulou, siivet läpettäy,
Čakku-čakku pieni parves pörizöy.

Hämä-hämähäkki kudou verkoloi,
Pieni lindu lendi niidy kaččomah.
Päiväine laski loitos tuakse mäin,
Hämä-hämähäkki kudou verkoloi.

Ihohoo, ihohoo, hebo hirnakoiččou

(sanat: Laura Latvala, karj. sanat: Ylöin Rinoi)

Ihohoo, ihohoo, hebo hirnakoiččou
Račastua, račastua, (nimi) suvaiččou
Juokse hebo hil’l’ah, rouno varbahillah
(nimi) kodih kanna, händy yskäh anna!

Laivupajo

(trad., karj. sanat: Ritva Lampivuo)

Laivu keiluu, kunnebo laivu menöy
Muailmale, muailmale juablukkastu ostamah,
kapustukerii kauppuamah.
Hups, laivu keikkuu.

Loppupajo

(sanat: Kaija Löytty, karj. sanat: Ritva Lampivuo)

Salbuan ihanan soittovakkazen,
punaldan pajozen kol’čalleh.

Muston mugavan kormanih tallendan,
sissäh ku näimmökseh uvvessah.

Kiitän, kumardan, n’oppuan, viuhkutan
terväzeh yhtes pajatammo.

Lal, lal, la la laa
lal, lal, la la laa
laa, laa, laa

Kiitän vai.

Löpsöibuabopajo

(trad., karj. sanat: Ritva Lampivuo)

Löpsöibuabo istui kiven piäl
söi, söi, söi, söi liiliinlehtilöi

Voinnuogo buabo ainos vie hyppie
muga muga muga muga tävven vačan kel

Suurivačču buaboi meni pitkälleh
kažlikon reunah ihan ičekseh.

Maman kevätpajoine

(sanat Zinaida Dubinina)

1. Vessel lämmy päiväine pastau seinäle.
Tämä kevätpajoine, mama, sinule.
Čoma ruskei kukkaine avai silmäzet.
Sinule sen, mamaine, annan kukkazen.

2. Keriän järvirandazes suloi kivyzet.
Tuon sinule mečäspäi enzikukkazet.
Lämmy kevätpäiväine, pasta huolita,
sugahazil kuldasil mamuo lämmitä.

Lauluun on olemassa kaksi eri melodiaa.
Toisen on tehnyt Hannu Turunen (nuotti alla), toisen Arto Rinne (linkki alla).

Karaoke karjalakse:
Timo Rinne da Sattuma: Maman kevätpajoine

(www)
Karaoke-versio laulusta YouTubessa.

Minä soitan suurel soitol

(sanat: Aleksandr Timofeevsky, karj. sanat: Zinaida Dubinina)

1. Vihmu rahvahii kastau,
juostah minule vastah
ojat asfal’tudorogua myö.
Käzis zontiekkoi pietäh.
Sidä rahvas ei tietä,
mikse vesselät olemmo myö.

A minä soitan suurel soitol,
kuultah hierus rahvas kai.
Nimipäivii pidiä voimmo
kerras vuvves vai.

2. Tiedoiniekku täh lendäy
sinizel vertol’otal.
Ozuttau meile čoman kinon.
Hyviä toivottau kaikil
da vie lähties jättäy
kaikkie magiedu suuren pinon.

A minä soitan suurel soitol…

Muamo lastu l’uulittau

(sanat: Kalervo Hämäläinen, karj. sanat: Maria Kähäri)

1. Muamo lastu l’uulittau. – Unii čomazii näi.
Kuudam ehtäl kačahtau pertih ikkunaspäi.
Hos viey tuuli toivehet, jättäy tyhjät kobrazet,
annan, lapsi, sinulles hot kielen kallehen.

2. Meijän pieni kuldaine hyvis unis matkua.
Jälles undu huondeksel voithäi hommii jatkua.
Vahnembannu kulgijes, meittäh muailmal paistes,
tiijät kielen armahan, sait sanat karjalan.

3. Hmm hmm mm…
(alguvuitti hyn’hettäjen)
Kägöin kuulet kukundan, ualdo išköy Luadogan,
ollah čomas unimuas kel kuldulinduzen.

Piiri pieni pyöriy

(sanat: Alli Nissinen, karj. sanat: Ritva Lampivuo)

1. Piiri pieni pyöriy
lapset yhtes hyöriy,
Sormet sanuo soo, soo, soo
kengänkannat koo, koo, koo.

2. Piiri pieni pyöriy,
Lapset yhtes hyöriy.
Käit sanou lip, lap, lap
Kengän kärret kip, kap, kap.

3. Piiri pieni pyöriy
lapset yhtes hyöriy
Toine tostu tervehtiy
Kaikin paikoilleh sit jiäy.

Pikoi-pieni veduri

(sanat: Anna Liisa Tenkku, karj. sanat: Ritva Lampivuo)

Pikoi-pieni veduri huondeksel kerran
hieroi ylen nogehizii silmii
sen jälgeh šihizi da puhizi da rygi
Tsuku tsuku tsuku tsuku lähtemmö.

Piä, olgupiät, perzyt, polvet, varbahat

(trad., karj. sanat: Ritva Lampivuo)

Piä, olgupiät, perzyt, polvet, varbahat, polvet, varbahat.
Silmät, korvat da vaččah taputa.
Piä, olgupiät, perzyt, polvet, varbahat, polvet, varbahat.

Sinine uni

(sanat: Martti Haavio, karj. sanat: Ritva Lampivuo)

1. Joga ildua ku lampu sammuu da roihes oigei yö,
sit Nukku-Matti nouzou, da ukseh hil’l’ah lyöy
On hänel unehizet tapkat, da niilöil häi sipsuttau
häi hiivou uksespäi perttih da hyppiäy skuapan tua.

2. Da hänel on unehine hattu da sinine unehine vyö,
da unehistu jiädelön palua häi pienil hambahil syöy,
da hänel on sinine auto da se auto hyrizöy näi:
surrur surrur dai lähtöy unen sinisty muadu päi.

3. Da pieni vihmuvarje on ihan kallalleh
da sinisty uniloin kirjua häi kandau kainalossah
da uniloin sinimuah kohti häi lapset autol viey
surrur surrur da sinne on sinine uniloin tie

4. Da sie on kuldaine meččy da mečäs kuldaine puu,
da uniloin sinilindu da linnul kuldaine suu
da uniloin sinilindu se lapsii uinottau
se hyräilöy unehizen pajon
lala lallala lallallaa.

 

Syvyspajo

(sanat. P. J. Hannikainen, karj. sanat: Zinaida Dubinina)

1. Ruskie lehti huavas lendäy,
päivy yödy pagenou,
lindu pieni vilus vihmas
lämmäh muahpäi lendelöy.

2. Minä pieni paimoityttö
en voi lähtie lendämäh,
tänne, tänne jiäjä täydyy
sygyzyh da igäväh.

 

Vihmupajoine

(säv: Bruno Jubelsky, karj. sanat: Maria Kähäri)

1. Vihmuu vihmuu čipettäy,
tili tili tom, tili tili tom.
Vilu rodih varbahih,
tili tili tom-tom-tom.
Vilu rodih varbahih, tili tili tom.

2. Vihmuu vihmuu čipettäy,
tili tili tom, tili tili tom.
Nygöi pieni Vinni Puh
kai on märgy uhhuhhuh.
Nygöi pieni Vinni Puh kai on märgy huh!