Kuukausi: marraskuu 2018

Sotkan da Hukan meijäškä

Sotku-lindu luadii meijäškän Jovensuun Hukanke. Hukku irvistelihes, da Sotkua äijäl varaitti. Häi kai särizi da vabizi varavuo. A gu la hukku syönnöy kogo linnun höyhenienke? A-voi-voi, parem on pajeta iäres!

Hyviä Karjalan kielen päiviä!

Sotku-lindu toivottau hyviä Karjalan kielen päiviä da mustoittau, gu joga päiviä on karjalan kielen päivy. Pagize, kirjuta, pajata, duumaiče da huaveile omal kielel!

Lundu, lundu!

Kukastu kummua, midä tänäpäi rodih! Sil aigua, konzu Sotku magai magiedu päivyundu, oli mua muuttunuh valgiekse. Sotku paneldi terväzeh šuapkazen piäh da viuhkahtih pihale. Häi mukkeloitti da vierettelihes lumes. Lumi oli vilu da juohatti valgiedu pölyy. Talvi, sinuu ongi vuotettu!

Sotku tuttavuu robottah

Suovattu on olluh Sotkal ruadopäivy. Häi otti ozua yhteh karjalan kielen ruadopajah Päivännouzu-Suomen yliopistos Jovensuus. Sie Sotku tuttavui Aleksander-robottah, kudai sežo maltau paista dai opastau muidugi pagizemah karjalakse. Nygöi hyö voijah luadie sidä yhtes.

Sotku lendäy!

Sotku tahtou lähtie Jovensuun linnah Päivännouzu-Suomeh, ga iče ei malta lendiä ni yhty siiveniškuu. Sendäh häi ostau ičelleh bilietän lendokoneheh. Aeroportas on rahvastu mustenah. Sotku menöy vuottamah Jovensuun lenduo lähtöveriän luo. Terväh lendoh!

Top