Vietnamalazet otetah suuret vellat ku suadas grouzoviekas kuolluzinnu löytyt omahizet kodih

Vietnaman ulgoministerstvu sanelou, ku andau žertvoin omahizile velgua pokoiniekkoin vedelendymenoloih näh.

Vietnamilaiset
Brituanies grouzoviekan kylmykulletuskonteineras ligakuul kuoluzinnu löyttylöin vietnamalazien omahizet tahtotah kalmata žertvat Vietnamas.

 
Moni pereh tahtou ottua velgua Vietnaman halličuksel, ku sais kuolluot omahizet kodih. Vietnaman ulgoministerstvu on sa sanelluh, ku se avvuttau perehii suamah pokoiniekat libo tuhkat Vietnamah, ga omahizil pidäy maksua vedelendymenot.

 
Tuhkien vedelemine Brituaniespäi Vietnamah maksau 1774 dollarua da kuolluon vedelemine 2858 dollarua, sanelou AFP.

 
‒ Maksammo mintah hinnan, hos minul pidäs myvvä oma talo libo oma mua, kerdoi Le Minh Tuan, kudaman 30-vuodehine poigu oli yksi 39 žertvas.

 
Pereh maksoi poijan peitočivedelendymatkas Europpah yli 30 000 dollarua.

 
Summu on ylen suuri, konzu heijän kodimuakunnas Nghe Anas vuozisualoit ollah keskimiärin nenga 1200 dollarua.

 
Le Minh Tuan tahtou, ku hänen poigu vedelläh kodih kuolluzih näh luajitus pusis tuhkuamizen sijah, ku händy voijah kalmata perindehellizeh luaduh.

 
Tuhkuamine ei ole tavalline dielo Vietnaman köyhäl kyläalovehel, kudamaspäi oli roindua myöte suurin vuitti žertvois.

 
Monet perehet otettih velgua tuhanzii dollaroi lapsien Brituanieh työdämizeh näh. Perehet toivottih, ku lapsil menis hyvin Brituanies, da hyö voidas työndiä dengua kodih, ku vahnembat piästäs vellois.

 
Lähteh : Inka Haukka, yle.fi
Fotokuva: yle.fi / AOP

Vastaa

Sähköpostiosoitettasi ei julkaista. Pakolliset kentät on merkitty *