Tutkijat: ilmaston lämmetes kazvau leviä jiän pinnale ‒ jiätiköt suletah teriäm migu enne

Jiätikkölöin tutkijat ollah tietty jo hätken, ku ilman lijastajien da noven periä jiä muzavuu i sulau sit teriäm.

Saasteiden tummentamaa jäätä Sveitsissä
Lijastajien muzavutettuu jiädy Šveitsaries

Nygöi hyö ollah huomattu, ku jiän pinnale kerävyjäh materjualah kazvau leviä, kudai vaiku boikondau sulamistaktua.

 
Jiäle kehittyi levä on fiolietovoinkarvaine da se kerävyy kazvijättehes da meččypaloloin nostatetus noves.

 
Europan Liitto avvuttau ”Deep Purple” tutkimushankehtu, kudamas sellitetäh levän vaikutus jiätikköh.

 
Tutkijoin ruado on vie kesken da sendäh hyö ollah varovazet omis paginois, ga hyö kaikin uskotah, ku jiän sulamisennustehet muututah.

 
Šveitsarien meččy- jiä- da mua-alovehinstituutan WSL:n johtai Kondrad Steffen sanou, ku sulamisvauhti kazvau daže kymmene prosentua aijembas arvivos, da ližiäy, ku hänen arvivo on ylen pietteleväine.

 
Šveitsarii on jo menetännyh 500 omua jiätikköalovehtu mennyt vuozisuan allun jälgeh. Muas on vie nenga 4000 jiätikkyö, da uskotah, ku 90 protsentua niilöis häviey enne tämän vuozisuan loppuu, gu ei suadane azetettuu ilmaston temperatuuran nouzuu.

 
Kanuadas on tovendettu, ku ilmastonmuutos ližiäy meččypaloloi, kudamis tulou vai enäm nogie jiätikkölöile. Nenga roih kolduittu kruugu, kudai kazvattau ilmastonmuutostu.

 
Lähtehet: Yrjö Kokkonen, yle.fi / Reuters
Fotokuva: Yle.fi / Guenter Fischer / AOP

Vastaa

Sähköpostiosoitettasi ei julkaista. Pakolliset kentät on merkitty *