Rahvahienväline rikossuudo rubieu tutkimah rohingoin vastahpiduo

Myanmaran armien vuvvennu 2017 allettuloin vägivaldukeinoloin periä jo 740 000 Myanmaras elänyöl rohingal on pidänyh jättiä oma kodi da pajeta sussiedumuah Bangladeshah.

rohingat
YK:n tutkijat ollah rinnastettu ruavot rahvahantapahdah. Rohinga-islamistoi pietäh yhtenny muailman syrjityvimis vähembistölöis.

 
Haagan rahvahienväline rikossuudo on piättänyh ruveta käzittelemäh rohingoin vastahpiduo da andoi viärittäjäle uskalduksen algua tutkindu Myanmaran ruadolois.

 
Tutkindas sellitetäh, ongo rohingoi syrjitty vieron vai etnizen alguperän täh, ongo heidy ajettu muas iäre da ollahgo hyö puaksuh puututtu vastavumah sistiemallizen vägivallanke.

 
Rikossuvvon sud’d’ien mugah perustehet, ku nenga on roinnuh puaksuh da ylen levieh, ollah olemas.
Myanmar ei ole rahvahienvälizen suvvon alaine jäzenmua, ga Bangladesh, kunne suat tuhandet rohingat ollah pajettu, sen sijah on.

 
Lähtehet: yle.fi / Reuters da AFP
Fotokuva: yle.fi / EPA / NYUNT WIN

Vastaa

Sähköpostiosoitettasi ei julkaista. Pakolliset kentät on merkitty *