Karjalankieline sarjukuva-al’bom Mečänpeitto jullattu

Karjalan kielen päivänny 27.11.2019 Karjalan kielen seuru julguau karjalankielizen sarjukuva-al’boman Mečänpeitto. Tämän vizualizes da sanelendan puoles ylen hyvän tevoksen ollah luajittu sarjukuvataidoilii Sanna Hukkasen da kul’tuurantutkii Inkeri Aula. Suomenkieline alguperäine tevos Metsänpeitto sai vuvvennu 2018 Pohjas-Karjalan taidopalkindon da oli samazennu vuon ehoitettu sežo Sarjakuva-Finlandian suajakse. Tevos on piässyh ilmah vuvvennu 2019 ven’aksegi. Karjalakse kniigan on kiändänyh Aleksi Ruuskanen. Mečänpeitto kuvuau meččih da puuloih yhtyjiä suomelas-karjalastu rahvahanperindyö, histouriedu da nygösty päiviä. Sarjukuvien tiemannu ollah mečänpeitto-uskomuksen ližäkse kaheksa pohjastu puuluaduu: ilmanigäine huabu, karzikkomändy, pyhä pihl’ai, muinaine niinipuu, tiedoiniekoin leppy, vardoičii koivu, šamanistine kuuzi sego suarnalline tammi. Tevos on čoma juohatus sit, kui meččäh da ymbäristöh voit kohtavuo kunnivoijen da vastuvuorozesti. Luonduo ei kačota vaigu hyödynägökannas, ga se nähtäh elävänny kogonažuonnu, kuduah myö kaikin kuulummo.

Tekstu: Heini Karjalainen & Natalia Giloeva

Mečänpeitto

Sanna Hukkanen & Inkeri Aula: Mečänpeitto
Karjalakse kiändänyh: Aleksi Ruuskanen
Karjalan kielen seuru
Tuottai: Pertti Lampi
Toimittai: Heini Karjalainen
Taittai: Ilona Pelgonen
Kielentarkistus: Natalia Giloeva
Seuran verkolaukku: http://www.karjal.fi/kks/shop/
168 s.
Hindu 25 €
ISBN: 978-952-5790-90-0
Painopaikku: Otavan kirjapaino oy, Keuruu 2019

Vastaa

Sähköpostiosoitettasi ei julkaista. Pakolliset kentät on merkitty *