Karjalaine kalenduaru 2020 on jullattu

Karjalan kielen seuran Karjalastu kalenduarua jo tostu kerdua piästetäh ilmah kogonah karjalakse luguh ottajen pruazniekkupäivien nimetgi. Nimilöin kiännökset on luadinuh Natalia Giloeva. Erähät da enne kaikkie pravoslaunoloin pruazniekkipäivien nimet oldih tiettäväine jo aijembagi olemas da suures käytösgi. Sen sijah suuri vuitti suomelazien pruazniekku- da flavunnostandupäivien nimilöis ei olluh aijemba kiännetty.

Karjalaine kalenduaru 2020

Vuvven 2020 Karjalazen kalenduaran tiemannu ollah hairiehvedäjät sanat da virkehet niilöinke. Karjala da suomi ollah lähäzet sugukielet. Kielis on äijy yhtehisty sanastuo, mi avvuttau karjalastu da suomelastu toine toizen ellendämizes. Yhtelläh on mostugi sanua, kuduat lähäzis sugukielis ozutetahes yhtenjyttymikse libo läs yhtenjyttymikse, ga merkitäh niilöis kielis eri dieluo. Net sanat ollahgi hairiehvedäjät sanat da niilöis luajitut virkehet sit hairiehvedäjät virkehet.

Kalenduaran ollah planiiruittu da todevutettu Natalia Giloeva da Heini Karjalainen. Kalenduaran vesselät  kuvazet on luadinuh Hilla Palojärvi. Verstaiččijannu on olluh Ilona Pelgonen.

Hyviä vuottu 2020 Karjalazen kalenduaran hairiehvedäjien sanoin da virkehien kel!

Tekstu: Natalia Giloeva & Heini Karjalainen

Karjalaine kalenduaru 2020
Karjalan kielen seuru
Verkolaukku: http://www.karjal.fi/kks/shop/
Painopaikku: Grano
Hindu 15 €

Vastaa

Sähköpostiosoitettasi ei julkaista. Pakolliset kentät on merkitty *