Rauhankävely yhtistäy kolme vierokundua Helsingis

Helsingin keskustas pietäh tänäpiän kolmen vierokunnan yhtehine rauhankävely.

aop-uskonnot
Kävelyl tahtotah ozuttua vieroloin keskisty ystävytty sego estiä ennakkomielii dai vihapaginua. Kävelyh yhtyy vieroidu johtajua, deputuattua eri vierolois kollektiivois da Helsingin linnan deputuattua.

 
Kulgoveh lähtöy Helsingin juudalazen prihodan sinagogal 15 aigah, azettuu Suomen islamalazen yhtyskunnan mečetin kohtale da kulgou sit Helsingin Vanhale kirkiköle. Jogahizel paikal vierokundien edustajil on lyhyt paginvuoro.

 
Pivos paistah Helsingin juudalazen prihodan paginanvedäi Yaron Nadbornik, suomelastu tatarukollektiivua edustajan Suomen Islam-prihodan paginanvedäi Gölten Bedretdin da Helsingin jeparhien endine jepiskoppu Irja Askola.

 
Kävelyn hommuau ristittylöin, juudalazien da islamistoin yhteisruadojärjestö Uskot-forumu, kudai on perustettu vuvvennu 2011. Järjestön piämiäry on ližätä vieroloin keskisty vuoropaginua da kunnivoičustu sego hoidua yhteiskundurauhua da vieronvällytty.

 
Lähteh da fotokuva: mtv uudizet

Vastaa

Sähköpostiosoitettasi ei julkaista. Pakolliset kentät on merkitty *