EL:n Saharov-palkindo kuuluzale uiguurututkijale Ilham Tohtile

Saharov-palkindo juatah joga vuottu ruavos ristikanzanoigevuksien da mielenvällyön hyväkse.

Uiguuritutkija Tohti
Ilham Tohti Kitais kezäkuul 2010

Europan parluamentu on andanuh tämänvuodizen Saharov-ristikanzanoigevuspalkindon tunnetule uiguurututkijale Ilhan Tohtile, kudai on pandu tyrmäh Kitain kritikuičendas.

 
Pekingan yliopistos talovustiedoloin professorannu ruadanuh Ilhan Tohti suudittih hänen kritikuittuu Kitain ruandua islamistoin eloitetus Xinjiangas.

 
Europan parluamentan mugah Kitain hallindo on mennyt vuozinnu sordanuh islamistoi uiguuroi heijän omassah identitietan da omassah religioznoin vagamuksen periä.

 
Europan parluamentu andau omassah tuven Tohtin ruavole da vuadiu Kitain virguniekkoi kerras piästämäh händy välläle, Europan parluamentan paginanvedäi David Sassoli sanoi, ku palkindo suatettih julgi.

 
Tohti sai syvyskuus sežo toizen europpalazen ristikanzanoigevuspalkindon, Europan nevvoston Václav Havel-palkindon omassah ruandas uiguuruvähembistön da vähembistöjoukkoloin yhtehizen dialougan hyväkse.

 
Lähteh: Anu Kerttula, yle.fi
Fotokuva: Fredric J.Brown / yle.fi / AFP

Vastaa

Sähköpostiosoitettasi ei julkaista. Pakolliset kentät on merkitty *