”Suomi on kaksikieline mua, mikse ei vois olla kaksikielizii kanzalazii?”

Suomes eläy jo piäle 80 000 perehty, kudamas ukko da mučoi ollah roittuhes eri mualois. Nämis perehis lapset kazvetah luonnollizeh tabah kaksi- libo monikielizikse. Hos Suomi on kaksikieline mua, ristikanzu voibi tiä olla virrallizesti vai yksikielizenny, sendäh ku rahvahalistoregistrah voit merkitä vai yhten muamankielen. Kahten kul’tuuran perehien azientundii Familia ry on sidä mieldy, ku Suomes pidäy voija olla kaksi-libo monikieline sežo virrallizesti. Tämä on mahtolline dielo, voinnou rahvahalistoregistrah merkitä enämbi yhty muamankieldy.

Perhe_Abdul_002
Abdulan pereh

Kahten kul’tuuran perehis pietäh ebäkäytändöllizenny da ebäoigevuonmugazennu sidä, ku ristikanzu suau merkitä registrah vaiku yhten muamankielen. Vahnembil pidäy sit puaksuh vallita kudamua muamankieldy käytetäh da täs roih eriarvozuttu kielien välile. Valličendu voibi sežo vaikuttua opastundu- da alamahtoloih da palveluloin suamizeh.
Nengoine registriiruičuskäytändö ei sellitä rahvahaliston kielien da kul’tuuroin monimuodožuttu da ei monikielizien miäriä. Kunnat ei voija ezimerkikse planiiruija sidä, mittumih kielih školis pidäs opastua da ližäkse monikieližyön yhteiskunnalle tarittuloi eduloi ei käytetä.

 
Kahten muamankielen registriiruččemizel ei tahtota garantiiruija uuzii oigevuksii libo palveluloi. Se andas kaksikielizile lapsile yhtenverdažuon, luadis tevokkahembakse jo olemasolijoin palveluloin käytön da tugis monikieližytty. Suomi tarviččou omien monikielizien eläjien kielenmaltuo da rahvahienvälizii välilöi. Käytändö tovestas sežo, ku Suomi arvostau kielii da kul’tuuroi. Tämä kannattas Suomen rahvahienvälisty imidžua.
Lähteh: Familia ry:n pozitsii
Fotokuva: www.vaestoliitto.fi
http://www.familiary.fi/

Vastaa

Sähköpostiosoitettasi ei julkaista. Pakolliset kentät on merkitty *