Parluamentuvalličukset lähetäh

Logo_of_the_Parliament_of_Finland.svg

Vuvven 2019 parluamentuvalličukset pietäh 14.4.2019, ga voit andua iänen sežo ennepäi. Suomes sih on mahto 3.‒9.4.2019 da ulgomual 3.‒6.4.2019

 
Valličuspäivänny 14.4.2019 iänestyspaikat ollah avvoi 9‒20 aigah.

 
Voit iänestiä, ku sinul on täydynyh 18 vuottu 14.4.2019 sah, da olet Suomen kanzalaine.

 
Sinule tulou kodih iänioigevusilmoitus, ku ollou sinul oigevus iänestiä. Täs ilmoitukses sanellah sežo iänestyspaikas i kohtis kudamis voit andua iänen ennepäi. Voit iänestiä valličuspäivänny vai sit paikas, kudai ilmoitukses mainitah.

 

Kui valličus- muga i ennepäi-iänestyspaikkah sinul pidäy ottua kerale hengilölližystovestus, ezimerkikse pasportu, hengilökarti libo ajokarti.

 

Kois voit iänestiä ennepäi, ku ollet nistii libo ylen voimatoi. Sinul pidäy ilmoittuakseh kodi-iänestykses 2.4.2019, 16 aigassah oman kunnan keskusvalličuskomissiele. Heilpäi suat sežo ližätieduo kodi-iänestykseh näh.

 

Valličusvirguniekat nevvotah sinuu, ku tarvinnet abuu valličuspaikas libo ennepäi-iänestykses. Voit sežo kyzyö valličusabuniekkua abuh iänestyskoppih, et iče maltane täyttiä iänestyslippuu. Valličusabuniekannu voibi olla ristikanzu, kudaman sinä iče olet vallinnuh, omahine libo lähäine. Ehtoitettu libo ehtoitetun lähäine ei yhtelläh voi olla abuniekannu. Valličusabuniekal on vaikkaniolosana.
Lähteh: vaalit.fi
Fotokuva: Wikipedii

Vastaa

Sähköpostiosoitettasi ei julkaista. Pakolliset kentät on merkitty *