Karjal kielioppilois

karjala kieliopeissaJoensuus piettih kevätkuun 29. päivänny ”Verdailii karjalan kielioppi”-projektan prezentatsii. Menöy tämän Kone -fondan maksetun projektan vijjes, jälgimäine vuozi, omistettu tuloksien julguandale da ezittelyle.

 

Nygöi piäzi ilmah suomenkieline, 477-sivuhine ”Karjala kieliopeissa”kirju. Kuun peräs piäzöy ilmah sama kirju da prezentatsii ven’an kielel. Nygöi algau kirjan kiännändy karjalakse da angliekse.

 

Prezentatsiel kirjua eziteldih tutkimusgruupan ruadajat, Lea Siilin, kudai vedi projektua, Irina Novak, Petroskois Tiedoakadeemies ruadai tutkii, Aleksi Ruuskanen da Martti Penttonen. Projektan allus enne Aleksii ruadannuh Sirkka Vepsä sežo oli paikal.

 

Projektan tiedopohjannu on eri aijoinnu jullattuloi deskriptiivizii kielioppiloi(13) da normatiivizii kielioppiloi (8), oza nämis ollah julguamattomii käzikirjutuksii, da vägitukku toizii tiijollizii julgavoloi. Murdehii ezitelläh rinnakkai 77 suures taulukos da 17 klusterikartas.

 

Kielentutkijat ollah sellitetty da dokumentiiruittu kielellisty vaihteluu eri murdehis. Klusteroindualgoritmu liittäy yhteh murdehet,kudamat ollah keskenäh vähiten erilazet. Klusteroindu sellittäy, kui ”alamurdehet” liitytäh ”murdehikse”, murdehet ”piämurdehikse” da piämurdehet ”kielekse”. Klusteroindutazoloi voi olla vähembi libo enämbi rippujen sit, äijängo paikallizii murdehii on tutkittavannu da kui erilazet net ollah.

 

Tutkimuksen tavoittehennu ei olluh ezittiä kategouristu murrehjaguo libo kehittiä yhtehisty kielinormua, a tarita sistemuattistu perustieduo karjalan murdehien variatsies kieliruavon pohjakse.

leasiilin

Prezentatsiel Lea Siilin (fotokuvas) ezitteli projektan ruavon suurie liinielöi. Häi koordinuičči käzikirjutuksen luajindua da kiändi käzikirjutuksen suomekse.

 

Irina Novak ruadoi suuriman syväindöruavon da kirjutti ven’ankielizen käzikirjutuksen yhtesruavon pohjakse. Prezentatsiel häisellitti, midä taulukkolois voi löydiä.

 

Erähät palat syväindyö ollah Aleksi Ruuskazen kirjutetut. Häi sežo ezitteli projektan hantuzis luajittuu murdehien iänikartua.

 

Martti Penttonen oli projektan alguhpanii da klusteroindualgoritman da toizien tiedokonehsovelduksien todevuttai.

 

Paikale tuli 25 karjalan kieles kiinnostunnuttu kuundelijua. Paginat mendih enimyölleh karjalakse. Paikal oli, kuundelijat da ezittelijät mugahlugijen, tverinkarjalan, suvikarjalan, vienankarjalan da livvinkarjalan pagizijua. Pagin oli elozua da pidi loppie varatun aijan täydyjes.

 

”Karjala kieliopeissa” kirjua suau lähiaijal ostua Karjalan KielenSeuraspäi. Tiedokonehsovelduksii da muudu tieduo projektas voi kaččuo adresilois https://karjalankieliopit.net  da http://karjalankieliopit.krc.karelia.ru

 

 

 

 

 

 

 

 

 

Vastaa

Sähköpostiosoitettasi ei julkaista. Pakolliset kentät on merkitty *