Guardian: Ristikanzanoigevusjärjestölöin mugah Myanmaran armii on bombitannuh hieruloi Rakhines

Amnestyn mugah Myanmaran armien jälgimäzet bombitukset ollah mustoitus sit, ku muan armii ei pie niminny ristikanzanoigevuksii.

Displaced_Rohingya_people_in_Rakhine_State_(8280610831)
Myanmaran armii on bombitannuh hieruloi Rakhinen ozavaldivos, sanellah ristikanzanoigevusjärjestöt. Dielos kerdoi Guardian.
Järjestölöin mugah ozannu uuttu Rakhineh suundavujua iskuu saldatat ollah ližäkse arestiiruittu tsivil’noloi da estetty avun piäzyn paikale.

 
YK on aijembah kuččunuh Myanmaran armien ruadoloi rohingya-islamistoi kohtah etnizekse puhtastamizekse. Alovehellizet aktivistat ollah saneltu Amnesty Internationalale bombituksis da sit, ku rakenduksii on rikkovunnuh.
‒ Nämät jälgimäzet operatsiet ollah tuaste mustoitettu sit, ku Myanmaran armii ei pie niminny ristikanzanoigevuksii, sanou Amnestyn kriizissoih vastuamizes huoldu pidäi johtai Tirana Hassan.
‒ Eloitettuloin kylien bombittamistu da einehavun kieldämisty ei voi hyväksyö nimis ololois, häi sanou.

 
Läs miljon omis kodiloispäi pajennuttu rohingya-islamistua eläy nygöi pagolasluagerilois Bangladeshas. Myanmaran virguniekat ollah kielletty Yhtistynnyzii Kanzukundii libo muidu rahvahienvälizii humanituarizii järjestölöi ruadamas konfliktualovehil. Alovehile on yhtelläh piästetty Ruskei ristu da Muailman einehohjelmu.
Lähteh: yle.fi
Fotokuva: Wikipedii

Vastaa

Sähköpostiosoitettasi ei julkaista. Pakolliset kentät on merkitty *