Uuzi vuozi, sama luguperti

Rastavan pruazniekku

Mennyt sygyzyn avavunnuh Turun luguperti jatkuu uvven vuon! Mulloi myö lugupertiläzet kergiimmö tuttavuo kui toizienke mugai karjalan kielenke. Innostus karjalan kieleh on vai kazvanuh!

Lugupertin avavujes äijy lugupertilästy ei olluh äijiä lugenuh libo paissuh karjalakse. Sendäh luvimmo lapsienkniigua, ezimerkikse Maria Kähärin kirjutetut Milan perehen päivän da Nina nieglikon sygyzyn dai L’udmila Mehedan Suarnastu lapsih näh, kudaman on kiändänyh karjalakse Natalia Giloeva. Lugupertiläzet yhtelläh harjavuttih näbieh kieleh da rubeimmo lugemah jygiembiägi kirjutustu: pätkii Aleksandr Kräkkijevin kirjutettuu Ogahakas taivahal da Paavo Harakan kiännettyy Jätkä da jätkän taivas dai äijän Yle uudizien da Oman muan kirjutustu. Lopimmo vuvven Rastavan pruazniekas pajattamal karjalazii pajoloi. Meis ollah roittuhes hyvät dovarišat.

Tänä vuon tahtommo lugie allus loppussah yhten romuanan. Valličimmo muumikniigan Kumman talvi, kuduan on kiändänyh karjalakse Natalja Sinitskaja. Kerävymmö 4.2.2019 algajen joga tostu ezmäsargie Kasvisravintolas Keidas, Uudenmaankatu 3, 18:00–19:30. Toivommo, gu voizimmo tuttavuo sežo uuzien dovarišoinke lugemal karjalakse! Tulgua terveh!

Tahtonet ližiä tieduo lugupertih näh, ga suvaiče meijän Facebook-sivuu libo ota Marc Bradfordah yhtevytty (mbradford820@gmail.com). Nenga sinule ilmoitetah sežo mahtollizih muutoksih näh.

Tekstu da kuva: Marc Bradford

Vastaa

Sähköpostiosoitettasi ei julkaista. Pakolliset kentät on merkitty *