Vuvven 2018 kieliruavon ruadajat palkittih

KKS perusti tänä sygyzyn Karjalan kielen komissien, kudaman ruavonnu on Suomes paistavan karjalan kielen hoidamine. Kielen hoidamizeh kuuluu karjalan kielen pidämine nägövil sego sen merkičyksellizyön aksentiiruiččemine, onhäi kieli merkiččii kogo muailmankul’tuuran miärykuavas.
Karjalan kielen komissii perusti Karjalaine kieliruado -palkindon. Palkindo libo kunnivokirju voijah andua virguniekoile da yhtehistölöile, kudamien ruavot ollah kannatettu karjalan kielen stuatussua libo karjalankielizii palvelendoi.

cof

Enzimäzen Karjalaine kieliruado -palkindon kielikomissii andoi kolmele puolovehele, kudamat ollah Vihandu liitto, Hurualistoliitto da Perussuomelazet. Palkindon andamizen perustehennu on, ku nämmä kolme puolevehtu ollah ainavot, kudamien puolovehohjelmah on otettu karjalan kielen elvyttämine.

oznor
Kunnivokirjudelegatsii: Juha Kotipelto, arhijepiskoppu Leo, Vesa Koivisto da Pertti Lampi

Karjalan kielen komissien paginanvedäi arhijepiskoppu Leo, varapaginanvedäi, professoru Vesa Koivisto, Karjalan Kielen Seuran sekretari Pertti Lampi da seuran halličuksen jäzen Juha Kotipelto annettih palkindot parluamentas 11.12.2018.

kunniakirja 1
Vihandas liitospäi kunnivokirjan otti vastah parluamentujoukon paginanvedäi, rahvahanedustai Krista Mikkonen

 

kunniakirja 2
Rahvahanevustai Matti Semi Hurualistoliiton kunnivokirjanke

 

cof
Rahvahanevustai, Perussuomelazien puolovehen 3.varapaginanvedäi Juho Eerola.

Kunnivokirjoi oldih ottamas vastah sežo parluamentujoukon piäsekretari Antti Valpas, kudai on  Karjalan Kielen Seuran halličuksesgi, poliittine planiiruiččii Sakari Puisto puolovehtoimistolpäi da tiijoittai Heikki Tamminen. Kai puolovehet oldih hyväs mieles da passiboittih kunnivoičendas.
Arhijepiskoppu Leo sanoi kunnivokirjoin suajile, ku Seuru on kiitolline puolovehien annetus tuves da enne kaikkie sit, ku karjalan kieli on otettu puolovehohjelmih. Häi aksentiiruičči, ku nengoine yhteiskunnalline tugi on ylen tärgei. Voimmo ičegi ruadua äijän, ga myö vältämättäh tarvičemmo sežo tämänmostu tugie, kudamua nämmä kolme puolovehtu ollah annettu meile. Arhijepiskoppu toivoi, ku sežo muut puolovehet innostuttas täh karjalazile tärkäh, suomelazile da kogo yhtehizele muailmankul’tuurale ylen merkičyksellizeh dieloh, karjalan kielen da kul’tuuran kannattamizeh da sen säilyttämizeh jälgipolvile.

 

Puolovehile juattih sežo karjalankielisty materjualua: Kalevala (kirju da iänikirju), arhijepiskopan Leon runokirju Kun usva hälvenee – Konzu sumu hälvenöy, Toni Timosen kuvitettu vuvven 2019 manga-kalenduaru, kudamas on Lauri Luukkosen runoloi da Karjal Žurnualan, ainavon vähembistökielizen verkolehten uuzin noumer sego Kaleva-lehten Karjalan kielen päivän noumer, kudamas oli hyvä kirjutus karjalan kielen elvyttämizes. Tämägi ainehisto tovestau, ku karjalan kieli eläy da sen olemas olemine huomatah meedies. Tovestettih sežo, ku vuvvennu 2017 alganuh karjalan kielen da kul’tuuran elvytysohjelmu on hyväs vauhtis. Yhteiskunnan tugie yhtelläh tarvitah, hos karjalan kieldy kannatetah ylen hyvin, da karjalazet iče luajitah äijän. Poliittizien puolovehien tugi sendäh on tärgei dielo.
Lopukse Perussuomelazet tarittih koufeidu kunnivokirjudelegatsiele Parluamentutaloin kafeteeries. Täh loppih meijän hyvä viziittu Vihandan liiton, Hurualistoliiton da Perussuomelazien luo.

Juha Kotipelto
Fotokuvat: Juha Kotipelto da Heikki Tamminen

Vastaa

Sähköpostiosoitettasi ei julkaista. Pakolliset kentät on merkitty *