Uuzi runokirju tulou terväh myöndäh

Tossargen 4.12.piäzöy ilmah Arhijepiskopan Leon uuzin runokeräilemy Kun usva häviää ‒ Konzu sumu hälvenöy. ISBN 978-952-5790-83-2, 268 s, kovat kannet, suurus 130 x 205 mm, hindu on 30€.

Kun sumu hälvenee
Jogahizel meis on oma, ainavoluaduine da meile annettu dorogu, kudamua myöte kullemmo. Tovellistu valličendua on vähä, sendäh ku elos andau midä se tahtou. Elos puaksuh tunduu yksinäzekse da sen pandu takku liijan jygiekse kandua.

 

Niken meis yhtelläh ei kulle yksin. Ihan huomuamattah kentah pidäy huoldu meis da kulgou meijän keral, olgah se ystävy, yhteisö libo nägymätöi suattai.

 
Ristikanzan elos puaksuh on kui loppumatoi rahvahienastundu libo pakkoruado. Kiirehen da hälyn keskes voit yksikai nähtä kaunehuttu, ku vai maltat kaččuo. Hos meijän dorogu on tietty, voimmo vaikuttua meijän sanoil da ruandoil täh pieneh i ohilennähtäjäh kodvazeh. Kuulemmogo meijän lähimästy, huomuammogo hänen annetut merkit, maltammogo oijendua avvuttajan käin? Niyksi sanottu sana ei tule järilleh, olgah se sana sit nostai da toivuo luadii. Viizahus, hyvys da sydämen puhtahus olah arvot, kudamii meil pidäs puolistua.

 
Arhijepiskopan Leon uuzimas tevokses Kun usva häviää ‒ Konzu sumu hälvenöy on omassah pravvallizuos koskettavii runoloi, kudamih voit lujah samastuo. Runoloin lähestymistaba elokseh da meijän ker kulgijoih on syväh humannoi. Omal sanomal universualu runotevos andau vägevän luguelämyksen, kudamas kirjuttajan da lugijan muailmat, tunnot da duumat vastavutah toine toizenke. Emmo jälgimäi olegi yksin muailmas.

 
Ezittelytekstu: Heini Karjalainen.
Ližätieduo: Pertti Lampi tel 0400 246 266

 
Mustakkua sežo kylmykuus ilmah piässyöt lapsienkirjoin klassikat:
Aleksi Ruuskasen kiännetyt Lewis Carrollan Alisan šeikkailut kummanmuas, ISBN 978-952-5790-81-8, 160 s, kovat kannet, suurus 145 x 210 mm, da Antoine de Saint-Exupéryn Pieni prinsut, ISBN 978-952-5790- 82-5, 128 s, kovat kannet, suurus 145 x 210 mm mollembien hindu on 30€.
Tiluamizet seuran Jovensuun toimistos tel +35844 500 2215, kirsti.karhinen@karjal.fi libo verkolaukas http://www.karjal.fi/kks/shop/

Vastaa

Sähköpostiosoitettasi ei julkaista. Pakolliset kentät on merkitty *