Ilokastu iččenäžyspäiviä!

suomi kevät

Kodoimuale

Eräs ”linnunmaidua” eččiy,
eräs – ”počinsarvia”.
Millo – olišbo vai meččy,
oldašbo vai järvet.

Oliš ainos kevätkägöi
stolal leiby-suolu,
da vie inehmiine – jagua
pahamieli puolei.

Ymbärdäš vai pedäjikön
tuhmu kirves ohi.
Kuuluš tiketändy tikan.
Kudoš joves lohi.

Engo eččis ”počinsarvia”,
engo ”maidua linnun”,
nägižin vai minä harvem
revus järven pinnan.

Olišbo vai kodoilale
muamanpido lämmin.
tervehenny oliš jalo
ruadai-talmukämmen.

Kestän kai, mi ozal pandu…
Maido – vältäy kaivos…
Olišbo vai, Kodoirandu
selgei sinun taivas…

Vladimir Brendojev

Fotokuva: Pixabay

Vastaa

Sähköpostiosoitettasi ei julkaista. Pakolliset kentät on merkitty *