Kuopion kanzalaisopistos karjalan kieldy jo 40 vuvven aijan

kuopion_kansalaisopisto

 

 

 

 

 

 

 

 

Kuopion kanzalaisopistos on pietty tänä vuon karjalan kielen opastamizen 40 vuozipruazniekkua. Opiston enzimäine karjalan kielen da kul’tuuran kursi järjestettih vuvvennu 1979, konzu opastajannu oli protopappi Johannes Suhola. Häi oli roindua myöte Salmispäi, da pravoslaunoin pappilistoseminuarien rektoru.
Suholan jälgeh opastajakse rubei toine salmilaine, kupsu Anni Romonen. Kursin nygöine opastai Kari P.Koslonen on olluh keral ruandas läs kogo kursin aijan, allukse opastujannu da jälgimäzet 27 vuottu (v.1991 algajen) kursin opastajannu.

 

Kari Koslonen sanelou, ku kursilazien miäry on vaihtelii. Toiči heidy on enämbän, toiči vähembän, ga yhtelläh opastajua, uuttugi, täydyy joga vuottu. Enimistö heis on jo piässyh eläkkehele, erähät ollah ruadoigäzet da yliopiston opastujuagi konzutah on keral.

 
Kursil lugietah opastujat ezimerkikse Dubininan kirjutuksii, Oma Mua -lehtie da monistehii. Avus heile on sežo internettu. Kiännösruadoloigi on i välil pajoloi, ga kodiruadoloi ei ole. Kois harjoittelemine on omatahtostu.

 
Opiston karjalan kielen da kul’tuuran kursin ruandas allus algajen on tulluh ilmi kui karjalan kielen muga i alovehellizen kul’tuuran hoidamine. Ku painettuu materjualua allukse ei olluh. Sidä pidi luadie iče. Vähitellen suadih tuvekse painettuu tekstua Petroskoilpäi, myöhembäh sežo kirjua. Kursin perussyväindo on säilynyh yhtenjyttyzenny: kursi välittäy tieduo karjalazes kul’tuuras, tavois, perindehis da  karjalan kieles.

 
Vuozi 2018 on europpalazen kul’tuuruperindön tiemuvuozi, da sen mugazeh Kuopion kanzalaisopiston opastusvuvven 2018‒2019 tiemuvirkehekse on vallittu ”ristikanzal ristikanzale” Karjalan kielen da kul’tuuran kursi on todevutannuh alovehellizen elävän kul’tuuruperindön hoidamistu da levittämisty tärgieh luaduh: kerävymäl jatkujah jo 40 vuvven aijan. Syvyskuus alganuh kursi jatkuu tuaste kevätopastuskavvel 16.1.2019 algajen.

 
Kuopion kanzalaisopistos järjestetäh ahkerah sežo muidu karjalan kielen da kul’tuuran kursiloi. Syvysopastuskavvel 2018 opiston opastujat ollah tunnustuttu ezimerkikse karjalazien itkuvirziperindeheh da iänel itkemizeh sego pastettu šipainiekkua. Sežo opiston Kielikluubal olet piässyh tunnustumah karjalan kieleh. Syvysopastuskavvel 2018 karjalan kieleh on suannuh opastuo intensiivizeh sežo karjalan kielen algu- da jatkokursil, kudamien opastajannu on Aleksi Ruuskanen. Karjalan jatkokursi jatkuu tuaste kevätopastuskavvel 17.1.2019 algajen.

 
Toivotammo ozua da suavutuksekkahii vuozii Kuopion kanzalaisopistole da sen karjalan kielen da karjalazen kul’tuuran opastuksele.

 
Lähtehet: Kari P.Koslonen. Wikipedii sego Kuopion linnan da Kuopion kanzalaisopiston www-sivut.
Fotokuva: kansalaisopisto.kuopio.fi
https://www.kuopio.fi/-/karjalan-kieli-ja-kulttuuri-kurssi-kuopion-kansalaisopistossa-tayttaa-40-vuotta
http://kansalaisopisto.kuopio.fi/2018/09/18/karjalan-kielta-ja-kulttuuria-tulossa-tapahtumia-ja-kursseja-tule-mukaan/
https://fi.wikipedia.org/wiki/Johannes_Suhola

Vastaa

Sähköpostiosoitettasi ei julkaista. Pakolliset kentät on merkitty *