Karjalan kielen komissii andau enzimäzen Karjalaine kieliruado -palkindon

Kielikomissii on piättänyh jagua enzimäzen Karjalainen kieliruado (Karjalainen kieliteko) -palkindon. Se annetah ezimerkikse moizile virguniekoile da yhtehistölöile, kudamat ollah luajittu arvokastu ruaduo karjalan kielen stuatusan libo karjalankielizien palveluloin kannattamizekse.

 
Vuvven 2018 Karjalaine kieliruado -palkindo annetah kolmele suomelazele puolovehele, kudamat ollah otettu karjalan kielen omih puolovehohjelmoih.
Nämmä puolovehet ollah hurualisto, vihandat da perussuomelazet.

 
Hurualisto ehtoittau omassah tavoitehohjelmas 2016‒2019 tädä:
Karjalan kielen stuatussu pidäy tunnustua toizien vähembistökielien rinnal da sen stuatussu pidäy panna kirjoih konstitutsien 17.pygälän kolmandeh kohtah. Zakonanmuutandanke kielenelvytysohjelmu pidäy panna alguh.

 
Vihandoin tavoitehohjelmas 2019‒2023 ezitetäh nenga:
Kannatetah karjalankielizien kielellizii oigevuksii. – – – Lujendetah karjalankielizien zakonanmugastu stuatussua da elvytetäh karjalan kieldy.

 
Perussuomelazien nygözes (2015) kielipoliittizes ohjelmas karjalan kieldy käzitelläh ezimerkikse nenga:
Perussuomelazet kohtavuu myödäzeh saamelazien kielien da karjalan kielen säilyttämizeh da elvyttämizeh. Kielile tavoitellah virrallistu stuatussua niilöin kodialovehil. Kielen siirdymisty uvvele sugupolvele kannatetah opastuksen vuoh kogo muas.
Kielikomissii andau kunnivokirjat palkindonsuajile myöhembäh parluamentas.
Ližätieduo:
Heini Karjalainen
Karjalan kielikomissien sekretari
sähköpoštu: heini.karjalainen@karjal.fi
tel: 044 989 9544

Yksi kommentu “Karjalan kielen komissii andau enzimäzen Karjalaine kieliruado -palkindon

  1. Haaškatah veronmaksajien jengat. Partiet voitah paista midä piäs astuu – suu kiini, ruadosija siivottu – dieloidu, onnuako, eule.

Vastaa

Sähköpostiosoitettasi ei julkaista. Pakolliset kentät on merkitty *