Karjalan kieldy pidäy käyttiä joga päiviä

Suomes on nenga 11 000 karjalankielisty, ga rahvahanregistras karjalan kieli on merkitty muamankielekse vaiku 200 ristikanzal

Maria K.
Jovensuulaine Maria Kähäri piätti aiguhizennu havačuttua hengih omassah died’oin muamankielen, livvinkarjalan, da opastui sih. Nygöi häi pagizou karjalakse omien lapsienke. Maria opastuu kieleh sežo Päivännouzu-Suomen yliopistos Jovensuus.
Suomes eläy nenga 11 000 mostu karjalankielisty, kudamat hyvin maltetah paista karjalakse da 20 00 nengostu, ket ellendetäh kieldy libo paistah sidä vähäzen. Rahvahanregistras karjalan kieli on merkitty vaiku 200 ristikanzal, Maria Kähäril da hänen lapsilgi. Kähärin mugah muamankielen voit vaihtua ruttozeh internetas.
Maria Kähäri toivou, ku karjalan kieldy käytettäs jogapäiväzes elokses, ei vaiku pruazniekkupaginan algusanois. Kähärin da hänen omat lapset paistah keskenäh karjalakse, ga yhtelläh muamo tahtou lapsile nuorembuagi paginkanzua. Sendäh Maria Kähäri toiči kävyy lapsienke Vieljärvel sijaiččijah lapsien kielipezäh.
Karjalan kielen tutkijan Natalia Giloevan mugah kai karjalazet ollah vähimyölleh kaksikielizet. Toine kieli on Suomen karjalazil suomi da Ven’an karjalazil ven’a.
‒Suomeh on muuttanuh äijy karjalastu, kudamii pietäh ven’alazinnu. Hyvä olis lujendua karjalankielizien identitiettua rajan mollembil puolil, sanou Giloeva.
Lähteh: Natalia Giloeva / Yle Uudizet karjalakse
Fotokuva: Annika Martikainen / Yle

Yksi kommentu “Karjalan kieldy pidäy käyttiä joga päiviä

  1. Hyvä olis gu kun-tahto kirjutti step-by-step instruktsii, kuibo vaihta muamon kieli, tai midä liene sie registeris on, venäjäspäi karjalakse. Toves, Suomes eläy satoja, tai voibi tuhansija karjalaisia Päivännouzu-Karjalaspäi ga kaikki hyö merkattu venäläizenä registeris.

Vastaa

Sähköpostiosoitettasi ei julkaista. Pakolliset kentät on merkitty *