Uuzi suomelas-ugrilaine piälinnu on vallittu

suomalais-ugrilainen pääkaupunki

Obinitsan kyläs Setumual vallittih 8.sulakuudu uuzi suomelas-ugrilaine kul’tuurupiälinnu vuvvele 2019. Voittajakse piäzi Shorunzha, kylä Mari-Elan tazavallas.
Kyläs eläy 1040 hengie, kudamis 97 % ollah etnizet marilazet. Uuzi kul’tuurupiälinnu tahtou levittiä tieduo marilazis da heijän kul’tuuras kogo fennougralazeh muailmah. Vuodeh 2019 näh luajitus ohjelmas on vähimiten 12 eriluaduzih tiemoih yhtyjiä tapahtumua.
Shorunzhan delegatsien jäzenen Erik Yuzykayn mugah tiitul kul’tuurupiälinnu on ylen tärgei marilazile. ”Shorunzhale on suuri kunnivo olla kul’tuurueloksen piälinnannu, ga vie suurembi sidä on vastus. Meil pidäy ruadua kai sih kuulujat ruavot”, sanoi Yuzykay.
Oliver Looden, kul’tuurupiälinnan ohjelmutoimiston johtajan mugah vuvvennu 2019 pruaznuijah marilastu kul’tuurua kogo fennougralazes muailmas da muijalgi, ga samoiten tahtotah uudeh luaduh ezitellä uralilazien ristikanzoin monimuodozuttu Mari-Elan tazavallas.
M.A.Castrénan seuran tiijoitus da Finno-Ugric Capitals of Culture Facebook
Fotokuva: M.A.Castrénan seuran tiijoitus

Vastaa

Sähköpostiosoitettasi ei julkaista. Pakolliset kentät on merkitty *