Tänäpäi pruaznuijah karjalan kieldy ‒ tämänluaduzil näytetäh Jovensuun linnankesken dorogannimet karjalakse

Jovensuun dorogoi karjalaksePäivännouzu-Suomen yliopiston Kiännä!-hankehen kiännöskogeilun tarkoituksennu on muun keskes testiiruija mittuzii kompromissoi karjalan murdehien välil vois luadie.
Tazah kahekse vuottu tagaperin allekirjutti silloine prezidentu Tarja Halonen azeteksen, kudamas karjalan kieli enzimästy kerdua mainittih ei-alovehellizennu vähembistökielenny. Karjalan kielen päivänny tai päivymiäry mustoittau askelennu kohti karjalan kielen stuatusan kohendamistu.
Päivännouzu-Suomen yliopiston Kiännä!-hankeh on jullannuh päivän kunnivokse Jovensuun linnankesken alovehes kartan, kudamas dorogat da muut merkičendät ollah karjalakse
‒ Tagaperäl on pieni ajatuskiža sit, mittuine Pohjas-Karjalan kielimaizemu olis, ku aloveh ollus säilynyh karjalankielizenny, sanou hankehen vedäi suomen kielen professor Helka Riionheimo.
Kartu luajittih äijii murdehii käyttäjen
Tuorehes kartas dorogannimii on kiännetty livvinkarjalan, vienankarjalan da suvikarjalan sanoi hyövyttäjen.
‒ Erähät karjalankielizet aktivistat sanotah tädä kieldy keskikielekse, konzu se huomuau kai murhedet. Testiiruičemmo sit, kuibo rahvas otetah vastah tämänluaduine kogeilu, kerdou professor Riionheimo.
Suvikarjalah näh kirjukieldy vaste ollah luadimas, ga segi tahtottih huomavoija kartan luajindas.
‒ Žiäli on, ku suvikarjalua vie ei ole normiruittu, ga tahtoimmo ottua suvikarjalangi kerale. Joga dorogannimen kohtal on kačottu min piämurdehen piirdehii voizimmo käyttiä, sellittäy iččeh puoles kiännösruaduo ruadamas olluh karjalan kielen azientundii, tutkii Natalia Giloeva.
Työndyö vuotetah
Kiännä!-hankehes nygöi vuotetah työndyö kartas.
‒ Julguammo sen Kiännä!-hankehen blogih. Vuotammo mielii. Kačommo niilöi, ku ehtotannou kentah muutoksii. Tämä on vaste ehtotus, Giloeva aksentiiruiččou.
Kartua voibi kačella tarkembah: https://yle.fi/uutiset/tuoreimmat

Vastaa

Sähköpostiosoitettasi ei julkaista. Pakolliset kentät on merkitty *