Kylmykuun tankarunoloi

cat-2914984__480

Haravoičen koin
pihal lehtilöi tukkuh.
Tuulou. Tulougo
se sinun kodihierun
suunnas, yhty loittonsah?

***

Sinul himoittau
jiähä pertin sydämeh
lämmän kattien kel.
Luvet Niilo Rauhalan
runuo, smietit kevätty.

****

Opiin sanella
heile minun mustolois.
Sanat bumuagal
gu muah kirvonnuot märrät,
hapannuot lehtet savus.

****

Vilu toinargi,
ulgon lumi kattanuh
pihan nurmikon.
Televiizoras paistah
dengois da poliitiekas.

****

Huondesyön tuulen
kolineh žestilevol.
Sihgo havačuin,
vai oligo liijakse
atkal se minun uni?

****

Susiedutalois
nygöi eletäh vaiku
buabo da kaži.
Yhtelläh joga vuottu
heilgi valmehet hallot.

****

Lauri Luukkonen

Fotokuva: Pixabay

Vastaa

Sähköpostiosoitettasi ei julkaista. Pakolliset kentät on merkitty *