Uuzi Muumi-kirju – Muuminotkon kylmykuu on piässyh ilmah

muuminotkon kylmykuu kansiHätken vuotettu uuzi muumi-kirju on nygöi piässyh ilmah. Muuminotkon kylmykuu on jo seiččemes karjalankieline muumilois sanelii kirju. Sen on kiändänyh Natalja Sinitskaja da ulgokuvan on planiiruinnuh Tuovi Laine. Familjen Hartwalls Fond – Hartwall Perehen Fondu on lahjoitannuh seurale varat kiännöksien todevuttamizeh niškoi.
Muuminotkos on sygyzy, vihmaine da bauhuju. Muumiloi ei ole kois da kodvazen mendyy taloih tullahgi ihan uvvet eläjät. Loittonpäi notkoh kulgou vie Muumipeigoin armas dovariššu, kudai tahtou eččie notkos midälienne tärgiedy. Hyö kaikin ečitäh lämmiä da rauhua sygyzyn pimies da opitah eliä yhtes. Bauhuloin aigah da talven lähetes muumitaloin eläjätgi toinah lähetäh toine tostu.
Tove Jansson: Muuminotkon Kylmykuu, Jyväskylä 2017, ISBN 978-952-5790-60-3, 172 sivuu, hindu 22€
Kirjua voibi tilata Helsingin da Jovensuun toimistoloispäi soittamal libo työndämäl sähköpoštua.
kirsti.karhinen@karjal.fi (ei 7.7.–16.7.) libo tel. +358–44 500 2215

pertti.lampi@gmail.com libo tel. 0400 246 266

Tiluamizii voibi luadie kodvazen mendyy sežo KKS:n verkolaukaspäi: http://karjal.fi/.

Vastaa

Sähköpostiosoitettasi ei julkaista. Pakolliset kentät on merkitty *