Soloveihankeh algau

solovei logoKarjalankielizekse aiguzien kielipezäkse planiiruittu Nurmeksen linnan tuvettu Solovei -puurakendushankeh on mennyh edehpäi. Rankendukseh näh on varattu oma mua lähäči Bomban kurortua da alustajat rakenduspiirustukseh ollah valmehet. Kohtan srojittamizen todevuttau sidä haldivoimah perustettu koperatiivukundu, kudaman nimi on Solovei.
‒Koperatiivan toimindan ydimenny on, ku kieli da kul’tuuru kuulutah eroittamattomah toine toizeh. Kielipezäl kehitetäh kul’tuuristu da toimindallistu syväindyö jo olemasolijua rajakarjalastu perindehty edustajah da hoidajah Bomban matkailukohtah sanelou Koperatiivu Solovein sekretaru Jasmine Sepponen.
Kielipezän jyttyzes uvvenluaduzes vällyaijan kollektiivas karjalakse pagizijat, tutkijat da kul’tuurah mieldy kiinnitännyöt voijah yhtes kannattua rikastu hengisty perindyö. Hankehtu kannatetah Päivännouzu-Suomen yliopisto, Karjalan Kielen Seuru da Europan vähembistökielien taza-arvoverko ELEN, kudamah kuuluu 44 vähembistökieldy 21:s Europan muaspäi.
Solovei on kunnallissovetniekku Paavo Harakan nimitetty, da šuutkakkahah on sanottu, ku moine nimi käsköy tavoittelemah sadua kieldy. Konzu Solovei yhtistyi ELEN -verkoh, on se piässyh omassah etuapan puolivälih. Ližiä kielii da rahvahanvälisty nägöalua hankeh suau, konzu kielipezän alovehel olii LomaSirmakka kuuluu rahvahienvälizeh vällyaijan- da lomanvaihtočieppih, Interval Internationalah.
‒Arvokkahan karjalazen perindehruavon rinnale tarvitah uuttu nägöalua järjestötoimindan kehittämizes. Erähän piätöksen dieloh tariččou Koperatiivu Solovei. Sih voijah yhtyö muutgi kui rajakarjalazet libo heidy edustajat kollektiivat. Meijän päivännouzupuolizen kul’tuuruperindön hoidamine on suomelazien yhtehine, Suomi 100 –pruazniekkuvuvven kunnivodielo, stimuliiruiččou Jasmine Sepponen, kudai on Pohjas-Karjalan matkailun kazvo-ohjelmuhankehen projektupiälikkö Pielisen Karjalan Kehityskeskukses.
Lähte: Päivi Parjanen-Vättö, Karjala

Fotokuva: LomaSirmakan verkosivut

Yksi kommentu “Soloveihankeh algau

Vastaa

Sähköpostiosoitettasi ei julkaista. Pakolliset kentät on merkitty *