Katalonii kovannu: Ku rahvas sanotanneh ”da”, irdavumine Ispanies tapahtuu 48 čuasun mennes.

itsenäisyyden kannattajia KataloniassaKatalonien alovehhallindo pagizou tulijoin nedälilöin aigua zakonanprojektois, kudamat kosketahes rahvahaniänenanduo.
Kataloinien iččenästymisty ajajah zakonanprojektah on kirjutettu kova virkeh: ku kataluanat sanotah rahvahaniänenannos ”da” iččenästymizele, ero Ispanies tapahtuu 48 čuasan mennes. Dielos sanelou uudistoimisto Reuters.
Katalonien nygyjohto on luvannuh järjestiä rahvahaniänenannon ligakuun 1.päivänny, hos Ispanien konstitutsiisuudo on kieldänyh sen da piäministru Mariano Rajoy kuččuu kataluanoin ruadoloi muanitandakse da vallankuabavusyrityksekse. Katalonielazet sen sijah ollah ilmoitettu, ku hyö ei tunnusteta konstitutsiisuvvon toimivaldua.
Zakonanprojektan mugah rahvahaniänenannos kyzytäh yksinkerdazeh da- da ei-vastavusvaihtoehtoloin avul, tahtotahgo Katalonies eläjät 7,5 miljonua ispanielastu irdavuttua koilline ičehallindoaloveh erillizekse valdivokse. Reutersan mugah Katalonien alovehhallindo pagizou tulijoin nedälilöin aigua zakonanprojektas, kudai koskehes rahvahaniänenanduo.
Katalonien alovehhallindon alazen tutkimuskeskuksen tuorehimas kyzelendäs iččenästymisty kannatti 44,3 protsentua vastuajis da vastusti 48,5 protsentua. Samas kyzelendäs suuri vuitti vastustajis tottu sanottih, ku hyö ei golosuija. Reutersan mugah rahvahaniänenannon zakonanprojektas ei miäritellä minimuiänenandoprotsentua.
Vuvvennu 2014 Katalonies järjestettih suundua andai rahvahaniänenando. Silloi oli iänenandoprotsentu pieni, ga yli 80 protsentua niilöis, kudamat annettih iäni sanottih iččenäzyöle ”da”. Iänen andanuzii oli silloi Reutersan mugah 2,2 miljonua, kudai on alle puolet 5,4 miljonas iänen andamizeh pädijöis.
Kataloniel on Ispanien sydämes levei ičehallindo, kudaman se sai vuvvennu 1978 luajitus Ispanien konstitutisen da vuvvennu 1979 valmistunnuon ičehallinnon peruskirjan myödäh.
Lähte: Elisa Rimaila, Helsingin Sanomat
Fotokuva: Albert Gea / Reuters / HS

Vastaa

Sähköpostiosoitettasi ei julkaista. Pakolliset kentät on merkitty *