Tervehyspalvelendoi karjalakse

hengitysvideo 2Karjalan kielen kannattai Natalja Antonova (fotokuvas) on luadinuh internettah tervehysvideon kaiken igäzih naizih näh. Tämä video andau tugie tervehyöle, ga sežo kielele sendäh, ku se on luajittu karjalakse. Antonovan videol ozutetut hengitysharjaitukset ollah peräzin Naizien tervehys -ohjelmas, kudaman on luadinuh Eduard Husnutdinov.
Antonovna opastau hengitysharjaituksii muijalgi kui vai videol. Kerran nedälis häi kävyy Oktjabrskan mikrorajonah Petroskoil da opastau sie lapsekkahii muamoi ven’akse. Häi tahtos sežo hommata opastustu karjalakse naizih niškoi linnan keskustas.
Natalja Antonovan mugah Karjalan tazavallas ei ole taričukses äijy palvelendua karjalakse da karjalankielizii tuottehii on vähä, ga niilöin ližiämine avvuttas levendämäh karjalan kielen käyttyö. Tervehysvideo on eräs nämmis tuottehis, Antonova sanou. Videoh näh häi keräi uuttu, ristikanzoin tundoloih, elimih da voimattomuksih liittyjiä sanua. Niilöi on Antonovan mieles äijy, ga muudugi sanastuo, ezimerkikse lapsien hoidamizes libo srojindas kerättyy, pidäs käyttiä kielen hyväkse.
Lähte: Karjalan Sanomat, Marina Tolstyh
Fotokuva: Karjalan Sanomat, Aleksei Firsov

Vastaa

Sähköpostiosoitettasi ei julkaista. Pakolliset kentät on merkitty *