Sovelduksii kielen opastumiseh näh

kielipelit

Ku ollou tulii lomakohtu ulgomualoil, olis varmahgi mugavu maltua alovehellistu kieldy. Abuu opastumizeh suau eriluaduzis ilmazis mobilisovelduksis. Nämmii ollah ezimerkikse Edvard Cooken kehitetty Mindsnacks Memrise, Duolingo da Quizlet.
Memrise kerdou mittumah tabah sanat kirjutetah da sanotah i sežo panou opastujale tavoittehen opastuo viizi uuttu sanua päiväs. Memrises on videoloigi, kudamis eri mualoin alguperäzet eläjät sanotah sanoi da virkehii. Kielii on yli 200, ga soveldus on angliekse da opastujal pidäy sit ellendiä sidägi.
Duolingo da Mindsnacks sežo opastetah sanoi. Duolingo kyzyy allukse opastujua panemah tavoittehen da ehtoittau sit, ku kieldy opastuttas joga päiviä 10 minuuttua. Soveldus näyttäy sanah liittyjän kuvan, dai sana yhtistyy vizual’noih mielikuvah. Mindsnacks  opastau sanoi da fruazoi eri alovehil kižoin avul. Kižat nevvotah kirjuttamah, tunnustamah sanoi i yhtistämäh oigieloi kiännöksii.
Quizlet on hyvä soveldus, ku tahtonou kirkieh harjoitella hyövyllizii argipäivällizeh elokseh pädijöi virkehii.
Kieldy maksau opastuo sežo kuundelemal da kirjuttamal. Kielenopastai Anna von Zansen sanou, ku turistal ei pie juuttuo kielioppih, vaiku paista rohkieh paista hos lapsienke. Heilgi vie ei ole ylen levei sanavarasto da hyö ei sit suudita niilöih, kudamat paistah viäräh.
Ykstityisty pagizemizen opastamistu tahtojat voijah käyttiä Italkii. Sie suau tilata alguperäzen opastajan pidämäh videourokkua. Ku kirjuttamine kiinnitännöy mieldy enämbäl, maksau Lang-8 palvelus eččie alovehellizii ristikanzoi, kudmat kohendetah tekstoi. Hyö yhtelläh tahtotah sinul samua palvelustu.
Googlen kiändäi-soveldus sežo on von Zansenan mieles ylen hyvä. Sidä käytetäh enimyölleh yksittäzien sanoin kiändämizeh, ga sit on paginantunnustamisominazusgi.

Lähte: Virve Rissanen, HS
Fotokuva: HS Duolingo (hurual), Memrise, Mindsnack

Vastaa

Sähköpostiosoitettasi ei julkaista. Pakolliset kentät on merkitty *