Oraskuun tankarunoloi

keväinen ilta

Oniegujärven
päivänlaskurannikol
starikan veneh
rannale unohtettu,
verkot ammui häviksis.

***

Tämägi jygei
yö ei anna uinota.
Ulgon tuttavu
lindu sežo jalloilleh.
Kuudam tuase kavoksis.

***

Vie ollah kai puut
ilmai lehtilöin painuo.
N’uakat azuttih
pezä meijän koin trubah.
Vihmu čipettäy kodvan.

***

Oraskuun ildu.
Pojezdu terväh tulou
täh meijän edeh,
lähtöy sit loitos linnah.
Mene – no musta minuu.

***

Häi ei tiedänyh
kuibo čoma häi oli
sliivupuuloin luo.
Sanoin hänele, ga en
tiijä kuuligo minuu.

***

En tänäpäigi
kergie kniigoi lugemah;
duumaičen händy.
Pyhänpäivän sinine
taivas puhtas gu järvi.

***
Lauri Luukkonen

Fotokuva: pixabay

Vastaa

Sähköpostiosoitettasi ei julkaista. Pakolliset kentät on merkitty *