Enimistö kannattas iččenäzytty Katalonies

carles puigdemont 2016Rahvahaniänenando Katalonien iččenästymizes vedäs iččenäzytty kannattjien selgieh voittoh, ku alovehhallindo hommuannou iänenannon ilmai Ispaanien halličuksen lubua, sanelou tuoreh mielien čotaičendu. Katalonien alovehjohtai Carles Puigdemont(fotokuvas) on luvannuh rahvahaniänenandamizen rippumattah Ispaanien halličuksen tahtos, tovennägözesti jo syvyskuul.
Vastuajis 43,3 % sanoi, ku andas omassah iänen iččenäzyön puoles da vaiku 22,2 % vastah, ku Katalonien hallindon alainen tutkimuslaitos Centre d’Estudis d’Opinió kyzyi dieluo kevätkuun aigah 1500 ristikanzal.
Tulos ei yhtelläh vastuas Katalonien eläjien tovellistu mieldy, konzu ihan 20,7 % sanoi, ku ei yhty iänenandoh, 6,2 % sanoi, ku jättäy tyhjän bylletenin da 1,7 % vastuajis tahtoi andua hyllättävän iänen. 4,7 % heis ei vie olluh piättänyh omassah nägökandua da 1,2 % ei tahtonuh vastatah kyzelendäh.
Ylivägine enimistö Katalonien eläjis tahtou rahvahaniänenannon iččenästymizes. 50,3 % on sidä mieldy, ku iänenandamine pidäy hommata Ispaanien halličuksen tahtos rippumattah da vaiku 23,3 % mieles iänenando pidäs järjestiä, ku halličus sen hyväksynnöy.
Katalonien alovehhallindo järjesti simvoulizen kyzelemizen iččenästymizes kylmykuul 2014. Silloi ihan 80,8 % kyzelendäh yhtyjis kannatti iččenästymisty, ga sen vastustajat ei annettu omassah iändy da se tiettäväine vaikutti tulokseh.
Syvyskuul 2015 suadih iččenäzytty kannattajat puolevehet paikkuenimistö Katalonien alovehparluamentas da sen suojas hyö ollah tahtottu eroittua Katalonii Ispaanies.
Lähte: HS, Tommi Hannula
Fotokuva: Wikipedii

Vastaa

Sähköpostiosoitettasi ei julkaista. Pakolliset kentät on merkitty *