Tämä ristikanzan elos
täyzi pimiedy, täyzi valguo
ainos jygei, ainos kebjei
joga päiviä voinu, joga päiviä rauhu

Täs ristikanzan elaijas
yhtel samal kodvazel
tuskua da iluo
muga suurdu vihua
muga suurdu suvaičustu
gu et sua niilöi ellendiä
on rumua, on čomua
da mollembil muga äijy eriluadustu nimie
gu et nikonzu sua tiediä niilöi kaikkii

Täs ristikanzan elaijas ymbäri
surmua da elostu
lähäl, loitton
tänäpäi
muga kui egläi

Puaksuh
sidä kaikkie duumaičet
Silloi-toiči
sen kaiken unohtat
Jälgimäi
sen kaiken
suat tirpua

Lauri Luukkonen

fotokuva: pixabay