Europan Nevvoston ministrukomitiettu kehoittau Suomie kohendamah sežo karjalankielizien stuatussua

FCNM logo

Komitiettu andoi 15.3.2017 omas kerähmös piätöksen, kudamas kehoitettih Suomie huolehtimah nygösty parembi Rahvahallizii vähembistölöi koskijan ramkuylehizensobimuksen toimehpanos. Komitietan piätös on nengoine:
”Komitiettu kehoittau Suomie järjestämäh mahtolliziman kattajan da tevokkahan kontaktan, soviettuyhtevykset da vaikutusmahtollizukset kaikile rahvahallizile vähembistölöile, enne kaikkie ven’an- da karjalankielizile. Kai tämä pidäy todevuttua nygözen soviettujärjestelmän mugah. Täh toimindah pidäy ottua kerale sežo estounien kielekse pagizijat sit miäräs ku hyö tahtotah vardoičustu ramkuylehizensobimuksen kauti”.
Seuran sekretari Pertti Lampi tovendau, ku ”ministrukomitietan kehoitus on tärgei askel edehpäi Suomen karjalankielizile, ven’alazile da estounielazile. Virguniekat ollah pietty nämmii vähembistölöi”toizen kluasan rahvahallizinnu vähembistölöinny”. Nenga sitgi huolimattah, ku karjal on yksi Suomen kodiperäzis kielis (muut ollah suomi da saamin) da estounielazii i ven’alazii on elänyh Suomes sadoin vuozien aijan”.
Lähte: EN
Fotokuva: FCMN:n verkosivut (Framework Convention for the Protection of National Minorities)

Yksi kommentu “Europan Nevvoston ministrukomitiettu kehoittau Suomie kohendamah sežo karjalankielizien stuatussua

Vastaa

Sähköpostiosoitettasi ei julkaista. Pakolliset kentät on merkitty *